Oqıǵa Almatynyń Túrksib aýdanynda boldy.
Sh. esimdi azamat kórshisine telefon soǵyp, ıtke birneshe kún qarap berýin ótingen. Áńgime barysynda ol óz-ózine qol jumsaǵysy keletinin aıtqan, dep habarlaıdy Almaty-akshamy.kz Polisia.kz-ke silteme jasap.
«Muny estigen áıel shuǵyl túrde “102” nómirine qońyraý shaldy. Úıge patrúldik jasaq, tergeý jedel toby jáne PD basshylyǵy keldi. Úı ıesi mas kúıde boldy. Aspanǵa birneshe ret oq atqan. Abyroı bolǵanda, eshkim zardap shekken joq. Bizdiń qyzmetkerler mas adamdy zalalsyzdandyryp, onyń atyna tirkelgen tegis uńǵyly myltyqty tárkiledi», – dedi Túrksib aýdandyq polısıa basqarmasynyń bastyǵy Erkin Amantaev.
Medısınalyq tekserýden keıin ustalǵan adamnyń alkogóldik masań kúıde bolǵany anyqtaldy. Bul derek sotqa deıingi tergeýdiń biryńǵaı tizilimine QR QK-niń 105-baby 1-bóligi boıynsha tirkeldi. Sh.esimdi azamatqa ishimdikten májbúrli túrde emdelý taǵaıyndaldy. Aldyn ala boljam boıynsha, óz-ózine qol jumsaýǵa áıeliniń úıinen ketýi sebep bolǵan.