5 jyl merzimge elden shyǵaryldy.
Almatyda taksıst bolyp júrgen Tájikstan azamaty otanyna jer aýdaryldy, dep habarlaıdy Almaty-akshamy.kz Polisia.kz-ke silteme jasap.
Kóshi-qon zańnamasyn buzý derekterin anyqtaý maqsatynda Medeý aýdandyq PB KQB qyzmetkerleri mobıldi toptar qurdy.
«22 jastaǵy M.esimdi azamat jolaýshylardy tasymaldaý qyzmetin paıdalana otyryp, tıisti ruqsatsyz jeke tasymaldaýmen aınalysqan. Qazirgi ýaqytta azamat QR ÁQbK-niń 517-baby 5-bóligimen ákimshilik jaýapkershilikke tartyldy. MAÁS qaýlysymen Tájikstan azamaty 5 jyl merzimge elden shyǵaryldy», – dedi Medeý aýdandyq PB Kóshi-qon qyzmeti bóliminiń basshysy Tımýr Noǵaıbaev.
Sonymen qatar, ol QR ÁQbK-niń 463-babyna sáıkes salyq salý salasyndaǵy quqyq buzýshylyqtary úshin de ákimshilik jaýapkershilikke tartylady.