İs-sharaǵa Almaty qalasynyń 8 aýdanynan 100-ge jýyq bala qatysady
23 tamyz Sport kúnine oraı Almatydaǵy Memlekettik ortalyq mýzeıde oqýshylary arasynda «Mýzeı kýbogy» ulttyq oıyndary boıynsha qalalyq sporttyq týrnır ótedi, dep habarlaıdy Almaty-akshamy.kz.
Ómirde adamnyń densaýlyǵyn jaqsartyp, onyń jasyn uzartatyn, kóńilin ósirip, aınalasyna súıkimdi de symbatty, shydamdy da jigerli, jınaqy júrýine septesetin qudiretti kúsh bolatyn bolsa, ol – dene tárbıesi men sport.
23 tamyz kúni saǵat 10.00–den 17.00-ge deıin Qazaqstan Respýblıkasynyń Memlekettik ortalyq mýzeıinde Sport kúnine oraı Almaty qalasynyń memlekettik jáne jeke menshik jalpy bilim berý mektepteriniń, lıseı jáne gımnazıa oqýshylary arasynda «Mýzeı kýbogy» ulttyq oıyndary boıynsha qalalyq sporttyq týrnır ótkiziledi.
«Mýzeı kýbogy» sporttyq týrnıri Almaty qalasy Bilim basqarmasy Qalalyq dene shynyqtyrý jáne sport ortalyǵymen birlesip ótkiziledi. İs-sharada «asyq atý», «bes asyq», «toǵyzqumalaq», «arqan tartý» sıaqty ulttyq oıyndar túrleri boıynsha jarystar ótedi.
İs-sharaǵa Almaty qalasynyń 8 aýdanynan 100-ge jýyq bala qatysady.