Almaty qalasynyń Kásipkerlik jáne ınvestısıalar basqarmasy shaǵyn jáne orta bıznes ókilderi arasynda qasbetter men olarǵa irgeles aýmaqtardy úzdik jańa jyldyq bezendirýge arnalǵan baıqaýdyń bastalǵanyn jarıalaıdy, dep habarlaıdy aqshamnews.kz
Qatysýǵa dúkenderdiń, qoǵamdyq tamaqtaný oryndarynyń, qyzmet kórsetý salasy nysandarynyń ıeleri men Almatynyń basqa da shaǵyn jáne orta bıznes ókilderi shaqyrylady.
Ótkizý merzimi: 26 jeltoqsannan 13 qańtarǵa deıin. Baıqaý qorytyndysy 2025 jyldyń 14 qańtarynda shyǵarylady. Baıqaýdyń komısıa quramyna Almaty qalasy Qoǵamdyq keńesiniń músheleri, salalyq qaýymdastyqtardyń ókilderi men sarapshylar kiredi.
Jeńimpazdar tórt nomınasıa boıynsha anyqtalady:
1. Azyq-túlik dúkenin úzdik bezendirý – 1 mln. teńge kólemindegi júlde;
2. Azyq-túlik emes dúkendi úzdik bezendirý – 1 mln. teńge kólemindegi júlde;
3. Qoǵamdyq tamaqtaný salasyndaǵy nysandy úzdik bezendirý – 1 mln. teńge mólsherinde júlde;
4. Qyzmet kórsetý salasyndaǵy nysannyń úzdik bezendirilýi – 1 mln. teńge kólemindegi júlde.
Bas júlde ıegeri 2 mln. teńge kóleminde syılyq alady.
Bıznes nysandaryn úzdik jańa jyldyq bezendirýge arnalǵan baıqaý aqshalaı syılyq alý múmkindigi ǵana emes, bul jańa jyldyq maýsymda qalany jarqyn, jaıly ári tartymdy etý múmkindigi. Kásipkerlerdiń atsalysýy Almaty turǵyndary men qonaqtaryna merekelik kóńil-kúı syılaıdy.
Baıqaýǵa qatysý úshin Almaty qalasynyń Kásipkerlik jáne ınvestısıalar basqarmasyna ótinim berý qajet. Ótinimder elektrondyq poshta arqyly qabyldanady info@almaty.upp.kz osy jyldyń 31 jeltoqsanyna deıin qabyldanady. Ótinimge baıqaýǵa qatysýshyǵa jáne onyń baıqaýǵa usynylatyn nysanyna minezdeme, baıqaýǵa qatysýshynyń «Derbes derekter týraly» QR Zańyna sáıkes derbes derekterdi óńdeýge kelisimi qosa beriledi. Tolyq aqparatty myna telefon nómiri arqyly alýǵa bolady: +7 747 671 59 96.