Almatyda shaǵyn jáne orta kásipkerlikti damytý maqsatynda qarjylyq jáne qarjylyq emes qoldaý tetikteriniń keń jıyntyǵy iske qosylǵan dep habarlaıdy almaty-akshamy.kz.
2022 jyly memlekettik jáne óńirlik baǵdarlamalar (BJK-2025, «Qarapaıym zattar ekonomıkasy», AÓK, «Almaty bıznes 2025», «Almaty bıznes») aıasynda bıznesti qoldaýǵa 42,2 mlrd teńge bólindi, jalpy kredıt somasy 8,3 mlrd teńgege 110-nan astam joba maquldandy.
Qańtardaǵy tártipsizdikter barysynda zardap shekkender úshin qarjylaı emes qoldaý sharalary retinde SHOB sýbektilerine nesıeler boıynsha tólemderdi keıinge qaldyrý, iri saýda obektilerinde jalǵa alýǵa jeńildikter berildi, belgili bir kezeńge komýnaldyq obektilerde jaldaý aqysyn alý alynyp tastaldy. «Almaty Business-2025» qalalyq baǵdarlamasyna birqatar ózgerister engizildi. Zardap shekken kásipkerlerge qarjylyq qoldaý kórsetý bóliginde jyldyq 2% mólsherlememen (12 aıǵa deıingi merzimmen 10 mln teńgege deıin, kepilmen jáne kepildikti qamtamasyz etý jetkiliksiz bolǵan jaǵdaıda «Almaty «ÁKK» AQ ishinara kepildigimen) jańa kredıttik ónim engizildi, kepilsiz kredıtteý boıynsha mólsherleme 12%-dan 9%-ǵa deıin (somasy 6 mln teńgege deıin kepilmen qamtamasyz etý merzimi 24 aıǵa deıin) tómendetildi, Almaty Finance jáne Almaty MQU qaryz alýshylary úshin negizgi qaryzdy óteý boıynsha merzimin keıinge qaldyrý jáne aıyppuldar men ósimpuldardan 180 kúnge deıin bosatý usynyldy. Atalǵan qoldaý sharalaryn iske asyrýǵa jergilikti búdjetten 6,3 mlrd teńge bólindi.
Áleýmettik jobalardy qoldaýǵa erekshe kóńil bólinedi. 2021-2022 jyldary «Almaty» ÁKK» AQ ınvestısıalar somasy – 131 mln.teńge, 72 jumys ornyn qurýmen 9 jobany iske asyrdy.
Almatyda SHOB úshin shaǵyn óndiristik parkter de belsendi damýda. Búgingi tańda 670 - ten astam jumys ornyn qurýmen 8 óndiristik park (ınvestısıa somasy-4 mlrd.teńge) iske asyryldy. Óndiristik parkterde tamaq, jeńil, jıhaz jáne qurylys ónerkásibi salalarynda 53 kásiporyn iske qosyldy. Almaty qalasynyń Indýstrıaldy aımaǵynda jalpy aýdany 76,5 myń sh.m. taǵy 12 jańa óndiristik parktiń qurylysy júrgizilýde, 2100-den astam jumys orny ashylady. Investısıa somasy 8,6 mlrd teńgeni quraıdy.
Bıznesti qoldaý jáne damytý maqsatynda «Qoldaý» kásipkerlik ortalyǵy jumys isteıdi, ol Almaty qalasyndaǵy SHOB-ke «bir tereze» qaǵıdaty boıynsha keńes beredi. Jyl basynan beri 28,3 myńnan astam keńes berildi, 500 bıznes-jospar/joba ázirlendi, 475 mln.teńge somasyna qarjylandyrýǵa deıin 17 jobaǵa qoldaý kórsetildi,219 ruqsat qujattary alyndy, 2 589 tyńdaýshy oqý kýrsynan ótti.
Anyqtama: aǵymdaǵy jyldyń alǵashqy úsh aıynyń qorytyndysy boıynsha Almaty qalasynda jumys istep turǵan SHOB sýbektileriniń sany - 217 822, 2021 jyldyń osy kezeńimen salystyrǵanda 10,5%-ǵa ósti.