Jaýyn-shashynnyń mol túsýi saldarynan Kereı-Jánibek handar kóshesi boıynda sazdy laı kóshkini oryn alyp, asfálttyń bir bóliginiń isten shyǵýyna jáne káriz jelileriniń bitelýine ákep soqtyrdy.
Qazirgi ýaqytta komýnaldyq qyzmetter burýdy sazdy laıdy soryp alyp, mundaǵy jumystardy retke keltirýde. Aýa-raıy jaqsarǵan soń jol jabyny qaıta tóseledi.
Tekserý barysynda sazdy laıdyń jyljyýy taý bókteri bir bóliginiń oıylýy jáne «Muztaý» shaǵyn aýdanynda salynǵan qurylystardyń saldarynan bolǵandyǵy anyqtaldy. Taýly qyrat eldi mekenindegi 2768 ýchaskede qurylys salý kezinde ekojúıe buzylǵandyǵy anyqtaldy-menshik ıesi (jeke tulǵa) taý bókteriniń bir bóligin óz betinshe oıyp alyp, jyrany jaýyp tastaǵan. Sonyń saldarynan sýdyń tabıǵı aǵyny jabylyp, qatty jaýyn-shashyn kezinde jasandy topyraqta jaryqshaq paıda bolǵan.
Onyń ústine menshik ıesi sharýa qojalyǵyn júrgizý úshin nysanaly maqsaty bar jer ýchaskesinde ruqsat qujattary joq qurylys jumystaryn bastaǵan.
Qazirgi ýaqytta nysandaǵy qurylys-montaj jumystary toqtatyldy.
Almaty qalasynyń qala qurylysyn baqylaý basqarmasy menshik ıesine qatysty jospardan tys tekserýge bastamashylyq jasaýda, onyń nátıjeleri boıynsha jer ýchaskesin bastapqy qalpyna keltirý úshin jiberilgen buzýshylyqtardy joıýǵa nusqama bere otyryp, QR ÁQBtK-niń 316-baby 1-bóligi boıynsha ákimshilik sharalar qabyldaıtyn bolady.
Jalpy, aýdan boıynsha aýa raıy boljamyna baılanysty komýnaldyq qyzmetterdiń jumysy aldyn ala kúsheıtilip, kezekshilik uıymdastyryldy. Sý basý qaýpi bar aımaqtardaǵy ýchaskeler Almaty ákimdiginiń baqylaýynda.