«Qoqysty kofe/snekke aıyrbasta»: aksıanyń birinshi kúninde almatylyqtar 197 keli qaıta óńdeletin shıkizat tapsyryp, 128 azyq-túlik kýponyn aldy
Qalada bastalǵan «Almaty — bizdiń ortaq úıimiz» naýqany aıasynda 15 sáýirde «qoqysty kofe/snekke aıyrbasta» aksıasy bastaldy. Ol 2024 jyldyń 8 mamyryna deıin jalǵasady. Aksıa qaldyq máselesine kóńil aýdaryp, qaıta óńdeýdiń mańyzdylyǵy týraly habardar bolýǵa baǵyttalǵan.
Qala qonaqtary men turǵyndary aksıaǵa belsendi qatysýda. Qatysýshylar qaıta óńdeýge qaıtalama shıkizat tapsyryp, onyń ornyna azyq-túlikke syılyq kýponyn alyp jatyr.
«Qoqysty kofe/snekke aıyrbasta» qalalyq aksıasynyń birinshi kúni qala turǵyndary qaıta óńdeýge arnalǵan 197 keli materıaldy (45 keli plasık, 31 keli alúmını, 70 keli makýlatýra, 51 keli shyny) qabyldaý pýnktterine tapsyrdy. Aıyrbastaý úshin olarǵa kofe/býrger/doner/pıssa aıyrbastaý úshin 128 kýpon berildi. Aksıa jalǵasýda.
İs-sharaǵa Almaty qalasynyń barlyq turǵyndary men qonaqtary qatysa alady. Qatysýshylarǵa makýlatýra, plasıkalyq bótelkeler, alúmını banka, shyny bótelkelerdi qosqanda qaıta óńdeý úshin belgili bir mólsherde qaıta óńdeýge arnalǵan shıkizatty óz betinshe jınaý usynylady.
Jınalǵan materıaldar qaıtalama shıkizatty qabyldaý pýnktine kelesi meken-jaı boıynsha tapsyrylady:
Qabyldaý pýnktteri:
1.Alataý aýdany, Ecosen, Nurkent yqsh., 7/1
2.Almaly aýdany, Ecosen, Baızaqov kósh., 73/1
3.Áýezov aýdany, Kazakhstan Waste Recycling, 8-yqshamaýdan, 58a
4.Áýezov aýdany, Kazakhstan Waste Recycling, Aqsaı-3, yqsh.,1a/1
5.Bostandyq aýdany, Kazakhstan Waste Recycling, Tımırázev, 81/3 kıosk
6.Bostandyq aýdany, Ecosen, Rozybakıev, 247/3
7.Medeý aýdany, Kazakhstan Waste Recycling, Samal-1 yqsh., 32 kıosk
8.Medeý aýdany, «Hello Eco» eko-taýar dúkeni, Samal-2 yqsh., 56A úı
9.Jetysý aýdany, Qazybaev, 264a (Karına Trading)
10.Naýryzbaı aýdany, Raıymbek, 548/2
11.Túrksib aýdany, Jas Qanat, 1/28
Ár materıal úshin kýpon túrinde 5 túrge aıyrbastaý usynylady: pıssa, býrger, kafe, doner men dodster kýpondary.
Berilgen árbir kýponnyń osy naýqanǵa qatysatyn tamaqtaný oryndarynyń meken-jaıy bar óziniń biregeı promokody bolady.
Qatysýshylar qaıta óńdeletin zattardy kelesi shart boıynsha kýponǵa aıyrbastaı alady.
- 2 keli makýlatýrany (qaǵaz, karton) kofe kýponyna;
- 1 keli plasık bótelkeni (PET-bótelke) býrger kýponyna;
- 1 keli alúmını bankany doner nemese dodstera kýponyna;
- 3 keli tússiz shyny (tússiz) bótelkeni pıssa kýponyna.
Kýpondardyń jaramdylyq merzimi — 2024 jyldyń 8 mamyryna deıin.
Aksıanyń seriktesteri kompanıalary — Salam Bro, Dodo Pizza, Gippo, Degirmen.