«Adem» saýda úıine jarylǵysh zat qoıylǵany týraly aqparat tarady.
Almaty qalasynda «Adem» saýda úıine jarylǵysh zat qoıylǵany týraly habarlamadan keıin ǵımarattan adamdar shuǵyl evakýasıalandy, dep habarlaıdy dep habarlaıdy Almaty-akshamy.kz qalalyq polısıa departamentiniń baspasóz qyzmetine silteme jasap.
Búgin tańǵy saǵat 09:59 shamasynda jedel basqarý ortalyǵyna «Adem» saýda úıine jarylǵysh zat qoıylǵany týraly habarlama túsken.
«Qalanyń jedel jáne tótenshe jaǵdaılar qyzmetteri alǵashqy den qoıý sharalary aıasynda ǵımaratta tekserý júrgizdi. Kelýshiler men saýda úıiniń qyzmetkerleri evakýasıalandy», - dep habarlady Almaty qalalyq polısıa departamentiniń resmı ókili Saltanat Ázirbek.
Belgili bolǵanyndaı, ǵımaratty tekserý kezinde jarylys qurylǵylary tabylǵan joq.
«Qazir polısıa jarylǵysh zat qoıylǵany týraly jalǵan habar taratqan adamdy anyqtap jatyr. Ol qylmystyq jaýapqa tartylady», - dedi Saltanat Ázirbek.