Anasy ony júktiliktiń 25-shi aptasynda dúnıege ákelgen.
Aq halattylar 107 kún boıy náresteniń ómiri úshin kúresti. Náreste bir aı boıy ókpeni jasandy jeldetý apparatynda jatqan. Bala shala týǵandyqtan, retınopatıa derti anyqtalǵan. Oftalmologtar dereý operasıa jasap, ol sátti ótti, dep habarlaıdy Almaty-akshamy.kz
Dárigerlerdiń aıtýynsha, búgingi tańda sábıdiń jaǵdaıy qanaǵattanarlyq, ózdiginen emedi, salmaǵy 2700 gramǵa jetken.
«Ómirine eshqandaı qaýip joq. Ózi demalady, ózi emedi, jetilýi qalypty. Eger áıeldiń densaýlyǵynda aýytqýlar bolsa, ınfeksıalar bolsa, ol da balanyń damýyna áser etedi. Byltyrǵy esepteýimiz boıynsha ekstremaldy tómen salmaqpen 63 bala shyǵaryldy. Jalpy túsken bala sany – 93», - deıdi Perınatologıa jáne balalar kardıohırýrgıa ortalyǵynyń bólim meńgerýshisi Aqmaral Bekaıdyrova.