Almatyda qoǵamdyq kólik jolaýshysynyń telefonyn qoldy etken kúdikti qolǵa tústi.
Urlyq deregi beınebaqylaý kameralaryna jazylyp qalǵan.
«A. esimdi azamatsha qoǵamdyq kólikke jolaýshy retinde otyrdy. Kórshi jolaýshy uıyqtap qalǵanda, ol bildirmeı onyń qaltasynan IPhone telefonyn sýyryp aldy. Jábirlenýshi shyǵyndy 50 myń teńgege baǵalaǵan. Medeý aýdandyq PB-nyń qyzmetkerlerimen birlese otyryp júrgizgen jedel-izdestirý is-sharalary barysynda kúdikti ustaldy. Qazirgi ýaqytta sotqa deıingi tergeý amaldary júrgizilip jatyr. Mobıldi qurylǵy tárkilenip, aıǵaq retinde qylmystyq is materıaldaryna tirkeldi. Kúdikti 31 jasta. Qazir Taraz qalasynan kelgen azamatshanyń osyǵan uqsas basqa da qylmystarǵa qatysy bar-joǵy tekserilip jatyr», – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
QR QPK-niń 201-babyna sáıkes ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.