Almaty qalasynyń ákimdigi «Qazaqstannyń úzdik taýary» óńirlik konkýrsynyń qorytyndysy boıynsha úzdik atanǵan kásipkerlerdi marapattady, dep habarlaıdy almaty-akshamy.kz
«Qazaqstannyń úzdik taýary» kórme-baıqaýy sıaqty alańdar damý, jetilý, tanylý úshin jaqsy múmkindik beredi. Baıqaýǵa qatysa otyryp, kompanıa ilgerileýdiń jańa kezeńine shyǵady, baıqaý talaptaryna qaraı sapa standarttaryna sáıkestigin rastaıdy, óz ónimin otandyq taýar óndirýshilerdiń úlken kórmesinde usynýǵa múmkindik alady», – dedi Almaty qalasy kásipkerler palatasynyń dırektory Aıtýar Qoshmambetov.
2022 jyldyń qańtar-naýryz aralyǵynda ónim shyǵarý 28,5%-ǵa ulǵaıdy, jumyspen qamtylǵandar sany 17,4%-ǵa ósti jáne jumys istep turǵan sýbektilerdiń sany 2022 jylǵy 1 sáýirde 10,6%-ǵa ósti.
«Almatyda 2022 jylǵy qańtar-naýryzda shaǵyn jáne orta kásipkerlik sýbektileriniń ónim shyǵarýy 2854,6 mlrd teńgeni qurady. Baıqaý qatysqan ár óndirýshi kompanıa jeńimpaz bolýǵa laıyqty. Degenmen baıqaýdyń aty baıqaý, elordada ońtústik astananyń namysyn qorǵaıtyn úzdik kompanıalardy anyqtadyq. Barlyq qatysýshyǵa alǵys bildiremin», – dedi Almaty qalasy ákiminiń orynbasary Álisher Ábdiqadyrov.
Almatylyq kompanıalar «Óndiristik maqsattaǵy úzdik taýarlar», «Halyqqa arnalǵan úzdik taýarlar», «Úzdik azyq-túlik taýarlary» nomınasıalary boıynsha baq synady.
Baıqaýǵa 77 kompanıa qatysty, onyń ishinen 9 kásiporyn úzdik atanyp, respýblıkalyq baıqaýǵa joldama aldy.