Qatysýǵa 100-ge jýyq almatylyq kompanıa ótinim berdi
29, 30, 31 shildede Almaty qalasy boıynsha «Qazaqstannyń úzdik taýary» óńirlik kórme-baıqaýy ótedi, dep habarlaıdy Almaty-akshamy.kz Almaty.tv-ge silteme jasap.
Qatysýǵa 100-ge jýyq almatylyq kompanıa ótinim berdi.
Óńirlik kórme-baıqaý úsh nomınasıa boıynsha ótedi:
• «Óndiristik maqsattaǵy úzdik taýarlar»;
• «Halyqqa arnalǵan úzdik taýarlar»;
• «Úzdik azyq-túlik taýarlary».
Ár nomınasıada úsh jeńimpaz anyqtalady. Shara Almaty qalasynyń basshylyǵynyń qatysýymen ótedi.
Óńirlik irikteý jeńimpazdary Qazaqstan Respýblıkasy Prezıdentiniń qatysýymen ótetin respýblıkalyq baıqaýǵa qatysady.
Kórme-baıqaýdyń qonaqtaryn konserttik baǵdarlama men baǵaly syılyqtardyń utys oıyny kútedi.