Alash arystary jáne «Qazaq» gazetiniń ár jyldardaǵy jaryqqa shyqqan basylymdarynan kitap kórmesi uıymdastyryldy.
Búgin QR Ulttyq kitaphanasynyń N. Dáýletova atyndaǵy zalynda «Qazaq» gazetiniń 110 jyldyǵyna arnalǵan «Ult rýhyn asqaqtatqan basylym» atty respýblıkalyq konferensıa ótti, dep habarlaıdy Almaty-akshamy.kz.
Sharany Qazaqstan Respýblıkasy Aqparat jáne qoǵamdyq damý vıse-mınıstri Ysqaqov Qanat Jumabaıuly quttyqtaý sózben ashyp, HH ǵasyrdyń basyndaǵy qazaq halqynyń tarıhy men mádenıetiniń aınasyna aınalǵan «Qazaq» gazetiniń tarıhyna toqtalyp, sol sara joldy jalǵastyrýshy býynǵa alǵysyn bildirdi.
Jıyn barysynda tarıh ǵylymdarynyń doktory Mámbet Qoıgeldi; Qazaqstan jýrnalıser akademıasynyń prezıdenti, tarıh ǵylymdarynyń doktory Saǵymbaı Qozybaev, jýrnalıs, qoǵam qaıratkeri Ábdijálel Bákir, tarıh ǵylymdarynyń doktory, profesor Hankeldi Ábjanov, qoǵam qaıratkeri, jazýshy-pýblısıst Marat Toqashbaev, «Qazaq» gazetiniń quryltaıshysy Mahmut Nálibaev sóz sóıledi.
Sonymen qatar, fılologıa ǵylymdarynyń doktory, profesor Baǵdan Momynova «Qazaq» gazeti - tóte jazý, emle alǵash synalǵan Alash úni» taqyrybynda, A.Baıtursynuly mýzeı-úıiniń jetekshisi, ahmettanýshy Raıhan Imahanbet «Qazaq» gazeti – ulttyq bolmystyń kóshbasshysy» taqyrybynda, ádebıet synshysy, alashtanýshy-ǵalym, «Daryn» memlekettik jastar syılyǵynyń ıegeri Eldos Toqtarbaı «Ult rýhyn asqaqtatqan basylym» taqyrybynda, tarıh ǵylymdarynyń doktory Svetlana Smaǵulova «Qazaq» gazeti jáne ult zıalylary» taqyrybynda baıandama jasady.
«Arys» baspasynyń dırektory, fılologıa ǵylymdarynyń doktory Ǵarıfolla Ánes «Qazaq gazetiniń 1913-1918 jyldardaǵy toptamasyn arab álipbıinen qazirgi jazý úlgisine kóshirilip, jaryq kórgen kitaptarmen tanystyrdy.
Shara aıasynda Qazaqstan Respýblıkasynyń Ultyq kitaphanasy qorynan Alash arystary jaıly jáne «Qazaq» gazetiniń ár jyldardaǵy jaryqqa shyqqan basylymdarynan kitap kórmesi uıymdastyryldy.
İs-shara sońynda Alash arystarynyń amanaty, ult aınasyna aınalǵan «Qazaq» gazetiniń damýyna zor úles qosqan sala qyzmetkerlerine QR Aqparattyq jáne qoǵamdyq damý mınıstirliginiń «Aqparat salasynyń úzdigi» tósbelgisi, Qurmet gramotalary jáne «Qazaq gazetine 110 jyl» mereıtoılyq tósbelgisi tabystaldy.