Almatyda Qala kúnin merekeleý aıasynda jyl saıynǵy "Charity Music Run" qaıyrymdylyq mýzykalyq jarys uıymdastyryldy, dep habarlaıdy Almaty-akshamy.kz.
Qatysýshylar ár túrli qashyqtyqta kúsh synady. Dálirek 7-14 jas aralyǵyndaǵy balalar úshin 2 shaqyrym, 15 jastan bastap - 10 shaqyrym, 21 shaqyrym jáne skandınavıalyq júrý. Qatysýshylardan jáne demeýshilerden jınalǵan barlyq qarajat Pedıatrıa jáne balalar hırýrgıasy ǵylymı ortalyǵynyń (PÁO) reanımasıa bólimin jabdyqtaýǵa jumsalady.
İs-sharaǵa baılanysty ishinara jol jabý josparlanǵan bolatyn. Naqtyraq, H.Dospanova kóshesi jáne Rysqulov dańǵyly, F.Ońǵarsynova kóshesinen H.Dospanova kóshesine deıingi bóliginde kólik júrýge ýaqytsha shekteldi.
«Brief running» komandasynda jattyǵamyn. Meniń jattyqtyrýshym Mádı Áıtimov júgirýde saqtalatyn árbir qımyl qozǵalysty, qalaı ustaý kerektigin asa yjdahattylyqpen úıretti. Sonyń arqasynda 1-oryn aldym. Sharany uıymdastyrýshylarǵa alǵysym sheksiz», - dedi marafon jeńimpazy Qadirqul Dilbar.
Sonymen qatar, marafonǵa arnaıy daıyndalǵan taǵy bir qatysýshyniń oı-pikirin bilgen edik. Aıta ketý, bul azamatta daıyndyǵynyń arqasynda júldeli orynnan kórinip, 1 oryndy jeńip aldy.
«Almatydaǵy júgirý jarystarynyń barlyǵyna turaqty qatysýshymyn. Ózimniń «Fast run» klýbym bar. İndet kezinde júgirýdi ábden ańsadyq. Biz árqashanda salaýatty ómir saltyn ustanyp, aqjarqyn kóńil-kúımen ómir súrý qaǵıdasyn ustanamyz», - dedi shara jeńimpazy Almas Rahımbaev.
