Almatyda ruqsat etilgen tek 4 shomylý orny bar.
Respýblıkalyq jedel-qutqarý jasaǵy byltyr shomylý maýsymynda 17 adamdy ajaldan arashalap qaldy. Onyń altaýy - bala. Olar tıis erejelerdi eskermeı baryp, sýǵa batqan. Al qutqarýshylardyń aıtýynsha, Almatyda ruqsat etilgen tek 4 shomylý orny bar, dep habarlaıdy Almaty-akshamy.kz almaty.tv-ǵa silteme jasap.
«Biz erekshe qıyn jaǵdaıda da qutqarýǵa baramyz. Ol úshin arnaıy daıyndyqtan ótemiz. Qysymy joǵary, aýa temperatýrasy tómen, júrekke júkteme jıi túsetin jerlerde de jumys isteımiz. Al sýdyń astyna súńgip jatsaq, ózimizdiń arnaıy túsinisetin tilimiz bar. Iaǵnı, bir ret arqan tartý - ońǵa, eki ret silkiseń - solǵa, arqandy úsh ret tartý - ol sýdan shyǵar degendi bildiredi», - dedi QR TJM Respýblıkalyq jedel-qutqarý jasaǵy bólimshesiniń basshysy Andreı Bybchenko.
Qutqarý qyzmetiniń qajetine jaraıtyn taǵy bir mańyzdy qural - motorly qaıyq. Jyldamdyǵy men jeńil júrisiniń arqasynda sý kóligin basqarý da ońaı. Al adam ómirin ajaldan arashalap qalýda ýaqyt utý óte mańyzdy.
«Almatyda barlyǵy 4 shomylý oryny bekitilgen. Olar Saıran kóliniń batys jáne shyǵys bóligi, D. Qonaev atyndaǵy Úlken Almaty kanaly boıyndaǵy «Gúlder» demalys orny jáne Baým toǵaıy. Qalǵan sý aıdyndary men taýly ózenderde shomylýǵa tyıym salynǵan. Saıran kólinde bizde 17 adam qutqaryldy. Onyń altaýy – bala», - dedi QR TJM Azamattyq qorǵanys basqarmasynyń aǵa ofıseri Esbol Sultanov.