Kúdiktiler qamaýǵa alyndy.
Almatylyq polıseıler páter urylaryn quryqtady, – dep habarlaıdy Polisia.kz.
Almaty qalalyq krımınaldyq polısıanyń málimetinshe, bul topqa birneshe ret sottalǵan eki er adam kiredi. Olardyń biri – 29 jastaǵy B.esimdi azamat bótenniń múlkin urlaý, tonaý jáne adamnyń densaýlyǵyna asa aýyr zıan keltirgeni úshin úsh ret jazasyn ótegen. Qylmystyń taǵy bir sybaılasy – múliktik qylmysy úshin sotty bolǵan 35 jastaǵy K.esimdi azamat.
«Kúdiktilerdi ustaýǵa arnalǵan arnaıy is-shara ótken keshte Samal shaǵyn aýdanynda polısıanyń arnaıy jasaqtarynyń qoldaýymen júrgizildi. Tutqyndaýdan az ýaqyt buryn urylar jas áıeldiń páterine kirip, ol jaqtan altyn buıymdardy, qol saǵatty, noýtbýkty urlap, nátıjesinde mıllıon teńgege jýyq materıaldyq shyǵyn keltirgen. Sotqa deıingi tergeý bastaldy. Tergeýdiń osy kezeńinde ustalǵandardyń qalanyń osy aýdanynda keminde taǵy eki urlyqqa qatysy bar ekendigi anyqtaldy. Olardyń jeke basyn tekserý jalǵasýda», – dedi Almaty qalalyq Polısıa departamenti bastyǵynyń orynbasary Berik Ábilbekov.
Spıkerdiń aıtýynsha, kúdiktiler qamaýǵa alyndy. Aıtpaqshy, olardyń biri – Almaty oblysynyń turǵyny bolsa, ekinshisi – Shyǵys Qazaqstannan kelgen.