Kólik mamandandyrylǵan aıyppul turaǵyna jetkizildi
Raıymbek dańǵyly men Kýratov kósheleriniń qıylysynda 1986 jyly týǵan Ózbekstan Respýblıkasynyń A.esimdi azamaty tizgindegen «Deý Neksıa» markaly avtokóligin polısıa qyzmetkerleri baıqap qalǵan. Bul týraly Almaty qalalyq Polısıa departamentiniń baspasóz qyzmeti málimdedi, dep habarlaıdy Almaty-akshamy.kz.
«Narkologıalyq saraptama qorytyndysyna sáıkes, júrgizýshi kólikti «ortasha deńgeıdegi» alkogóldik masań kúıde basqarǵan. Osy derek boıynsha patrúldik polısıa qyzmetkerleri QR ÁQbK-niń 608-baby 6-bóligine sáıkes ákimshilik materıaldy toltyrdy jáne MAÁS sheshimimen A.esimdi azamat ákimshilik qamaqqa alyndy. Onyń kóligi mamandandyrylǵan aıyppul turaǵyna ornalastyryldy. Osy azamatqa qatysty QR AİJK-niń 382-babyna sáıkes qamaýǵa alý merzimi ótkennen keıin Qazaqstan Respýblıkasynyń shekarasynan shyǵarý týraly sotqa talap aryz jiberiletin bolady», - dedi, Almaty qalalyq PD Kóshi-qon qyzmeti Basqarmasynyń bastyǵy, polısıa polkovnıgi Asqat Býtýnchınov.
Sondaı-aq, bólimshede, «Zańsyz» is-sharasynyń 7 kúninde 939 kóshi-qon zańnamasyn buzýshy ákimshilik jaýapkershilikke tartylǵanyn atap ótti. Elde bolý merzimi aıaqtalǵannan keıin Qazaqstannan ýaqtyly ketpegeni úshin 560 sheteldik jaýapkershilikke tartyldy. PD-nyń qabyldap-taratý bólimine 236 shetel azamaty ornalastyryldy.