Úsh naýqasqa operasıa jasaldy.
Ortalyq qalalyq klınıkalyq aýrýhanada amerıkandyq dárigerlerdiń qatysýymen bes kúndik «Onkoýrologıa jáne ýrologıadaǵy zamanaýı tásildemeler» atty sheberlik saǵaty ótti, dep habarlaıdy Almaty-akshamy.kz.
Shara barysynda úsh naýqasqa operasıa jasaldy. Ásirese, ılıokodýıti qalyptasýymen radıkaldy prostatsıstoektomıa, sol jaqtan laparoskopıalyq nefrektomıa jáne sol jaq búırektegi porsıaldy rezeksıasy sekildi.
Barlyq úsh operasıa sátti ótti. Búgingi kúni naýqastar ári qaraı em alyp jatyr. Tek OQKA ýrologtary men onkoýrologtary ǵana emes, sondaı-aq, barlyq qalanyń mamandary master-klastan ózge onkoýrologıalyq aýrýshańdyq jónindegi taqyryptyq dárister tyńdap, kúrdeli aýrýy bar naýqastardy dıagnostıkalaý jáne emdeý algorıtmderin talqylady, klınıkalyq taldama júrgizdi, jańa tendensıalarǵa aksent jasady.
«Sheberlik saǵat ortalyq qalalyq klınıkalyq aýrýhanada ótti. Qalalyq ýrologıa jáne andrologıa ortalyǵynyń ashylýymen dáo túskenin aıta ketken jón. Ortalyq qala turǵyndaryna sapaly ýrologıalyq kómek kórsetýdi arttyrý jáne qol jetimdi bolýyn qamtý maqsatynda ashylǵan. Ortalyq konsýltatıvti-dıagnostıkalyq jáne emdeý qyzmetterin kórsetedi, sondaı-aq, nesep jolynyń túrli aýrýshańdyǵy bar, ınterkýrrentti patologıasy bar, reprodýktıvti jáne seksýaldy sıpatta asqynýlary bar qala turǵyndaryna aldyn ala kómek kóresetedi, ýroandrologıalyq naýqastardy dıspanserızasıalaý jáne ońaltýdy, hırýrgıalyq aralsýdy júrgizedi», - deıdi mamandar.
Bul úshin ortalyq barlyq jańa zamanaýı jabdyqtarmen, KT, MRT, shuǵyl synypty ÝDZ apparatymen, qashyqtyq soqqy-tolqyndy lıtotprıptermen, robottalǵan ońaltý keshenimen, vaporızasıa jáne rezeksıa jasaý úshin týlııli lazerlik kópqyzmet etýshi hırýrgıalyq júıemen qamtylǵan.
Ýrologıa bólimshesiniń meńgerýshisi Sáken Bımenovtiń aıtýynsha, atalmysh master-klass ózekti bolyp tabylady.
«Árıne, is-tájirıbemen únemi almasý jáne túrli oqytý túrleri biliktilikti arttyryp emdeýdegi jańa ádistemelerdi ıgerýge septigin tıgizedi. Bizdiń dáriskerler men uıymdastyrýshylarǵa úlken alǵys aıtqym keledi», - dep oıymen bólisti.
Atalmysh master-klass Almaty qalasy qoǵamdyq densaýlyq basqarmasynyń sheshimimen jergilikti búdjet esebinen ótkizilgeni týraly esterińizge salamyz. Uıymdastyrýshy- Almaty qalasy qoǵamdyq densaýlyq basqarmasynyń Joǵary medısınalyq koleji.