Almaty qalalyq kásipkerlik jáne ınvestısıalar basqarmasynyń basshysy Erkebulan Orazalın Óńirlik komýnıkasıalar qyzmetiniń brıfıńi barysynda 2021 jyly qalanyń negizgi tendensıalary aıasynda óńdeý ónerkásibiniń dınamıkalyq jáne turaqty ósýi baıqalǵanyn atap ótti, dep habarlaıdy almaty-akshamy.kz
Erkebulan Orazalınniń aıtýynsha, 7 aıdaǵy fızıkalyq kólem ındeksi 23,3%-dy qurady.
«Ótken jyly Almatynyń Indýstrıaldy aımaǵynda Hyundai zaýyty ashyldy. Ol 2020 jyldyń sońyna deıin 6,5 myńnan astam avtomobıl shyǵardy. 2021 jyldyń birinshi jartyjyldyǵynda 12,3 myńnan astam avtomobıl shyǵaryldy. Nátıjesinde megapolıstiń mashına jasaýy 4,8 ese ósti», - dedi Erkebulan Orazalın.
Óńdeýdiń keıbir salalarynda aldyńǵy kezeńmen salystyrǵanda ósýdiń údeýi baıqalǵanyn atap ótken jón. Qaǵaz jáne qaǵazdan jasalǵan buıymdar óndirisi 29,9%-ǵa, qurylys materıaldary - 16,5%-ǵa, daıyn metal buıymdary - 56%-ǵa ósti.
Erkebulan Orazalın jyl sońyna deıin 16 óndiristik nysandy iske qosý josparlanyp otyrǵanyn qosty. Bul tizimde: «VALTHERM», «KMK Investment» II-kezeń, «SK Rahat», «G.S.G Vysotnık», «Kaz Dıa Test», «Technocont», «Elektrobar», «Asia Steel Pipe Corporation», «Hyundai Trans Auto», «Kazferrostal», «Serebro Profit», «Torgstroı», «KazStroyTrade», «Ads Industries», «AlaEstate» ı «AsiaPromTextile». Jobalardy iske asyrýǵa 59,6 mıllıard teńge bólindi, 1700-den astam jumys orny ashylady.
E. Orazalın birinshi jartyjyldyqta 14,6 mlrd teńge somasyna bes jobanyń iske qosylǵanyn jarıalady, sonyń arqasynda 445 jumys orny ashyldy. Jańadan kelgender tiziminde «KMK Investment» II-kezeń, «SK Rahat», «G.S.G. Vysotnık» jáne «Asia Prom Textile», «ADS Industries» eki ındýstrıaldy parki.
Jyl sońyna deıin Almatyda jalpy somasy 45 mıllıard teńgeni quraıtyn taǵy 11 jobany iske qosý josparlanyp otyr, 1 259 jumys orny ashylady, sondaı-aq jeńildik sharttarmen SHOB sýbektileri úshin 24,2 myń sh.m keńistik óndiristi paıdalanýǵa berý arqyly úsh óndiristik park ashylady.
Erkebulan Orazalın taıaý jyldary «Alataý» ITP AEA farmasevtıkalyq jáne aspap jasaý ónerkásibine basa nazar aýdara otyryp, ınovasıalyq jáne tehnologıalyq óndiristerdi damytýdyń belsendi kezeńine ótedi dep esepteıdi.
Eske salsaq, ótken jyldyń maýsym aıynda Almaty qalasynyń ákimdigi ATP AEA bazasynda farmasevtıkalyq klaster qurý týraly bastama kótergen bolatyn. Qazirgi ýaqytta 2,3 myń jańa turaqty jumys ornyn qurýmen jalpy somasy 43 mıllıard teńgeni quraıtyn «VivaPharm», «Álfa Med», «Bio Eurasia», «OISB Kazakhstan», «Eltex» jáne basqalary sıaqty jobalar iske asyrylýda.