Bul týraly Óńirlik komýnıkasıalar qyzmetiniń baspasóz konferensıasynda Almaty qalasy kásipkerlik jáne ınvestısıalar basqarmasynyń basshysy Erkebulan Orazalın málimdedi.
Ol pandemıaǵa qaramastan, qala syrtqy ınvestısıalar úshin tartymdy bolyp qala beretinin jáne bul kórsetkish boıynsha sózsiz kóshbasshy ekenin atap ótti, dep habarlaıdy Almaty-akshamy.kz.
E. Orazalın Almatyda sheteldik ınvestorlardyń qatysýmen birqatar jańa jobalardyń júzege asyrylyp, ázirlenip jatqanyn aıtty.
«Qyrkúıek aıynda Esentai City bazasynda De Monford Brıtan ýnıversıtetiniń birinshi fılıalyn ashý josparlanyp otyr, al Almatyda halyqaralyq áýejaıdyń jańa termınalynyń qurylysy bastalady», - dedi ol.
Basqarma basshysy 2 tamyzda 150 tósek-orynǵa arnalǵan kóp salaly klınıka jobasyna 17,2 mlrd teńge ınvestısıa salýdy josparlap otyrǵan Orhun Medical túrik kompanıasynyń ókilderimen kezdesý ótkizilgenin eske saldy.
Sonymen qatar, 11 tamyzda «Medıkal Partners» usynǵan koreıalyq ınvestorlarmen 200 kereýettik Ońtústik Koreıanyń zamanaýı medısınalyq ortalyǵy men zerthananyń qurylysy jobasyn júzege asyrý boıynsha kelisim týraly memorandýmǵa qol qoıyldy.
Jaqyn arada reseılik ınvestorlar Almatyda «Lerýa Merlen Qazaqstan» gıpermarketin salý jobasyn iske asyrýdy bastaýdy josparlap otyr.