11 qazanda «Alataý» shaǵyn aýdanyndaǵy «Inovasıalyq tehnologıalar parki» arnaıy ekonomıkalyq aımaǵynyń aýmaǵynda medısınalyq buıymdar óndiretin jańa zaýyttyń (kateterler, zondtar, patologıalyq materıal jınaýǵa arnalǵan konteınerler jáne t.b.) irgetasy qalandy.
100-ge jýyq jumys orny bolatyn zaýyt qurylysyna 1,5 mlrd. teńge jeke ınvestısıa salynady. Qurylysty aıaqtaýdyń josparlanǵan merzimi-2024 jylǵy maýsym.
«Alataý» AEA aýmaǵynda ınvestısıalyq jobalardy iske asyrýǵa arnalǵan jer ýchaskeleri qosalqy jaldaý quqyǵymen óteýsiz negizde beriledi. Beriletin jer ýchaskeleri qajetti ınfraqurylymmen qamtamasyz etilgen, klasterler boıynsha bólinedi jáne barlyq sanıtarlyq normalarǵa sáıkes keledi.
«Alataý» ITP AEA - daǵy medısınalyq baǵytty biz 2020 jyly búkil álem jahandyq pandemıaǵa tap bolǵan kezde belsendi damyta bastadyq. Sondyqtan arnaıy ekonomıkalyq aımaq qyzmetiniń basym túrlerine medısınalyq tehnıka, medısınalyq jabdyqtar men farmasevtıka óndirisi de engizildi, sondaı-aq aýdany 25 ga ýchaske bólindi. Qazir bul salada birqatar jobalar iske asyrylýda. AEA ITP medısınalyq baǵyttan basqa aspap jasaý, aqparattyq tehnologıalar, derekterdi óńdeý ortalyǵy, elektr jabdyqtary jáne t. b. salalardaǵy jobalardy da iske asyrady. Búgingi tańda bizde jalpy somasy 20 mlrd teńgeden asatyn 10 - nan astam joba iske asyrylýda», - dedi «Alataý» tehnoparki» JSHS- AEA ITP basqarýshy kompanıasynyń bas dırektory Oljas Sartaev.
Kásiporynnyń óndiristik qýaty jylyna 10 mln. birlikti quraıdy. Otandyq óndirýshi ónimdi tek ishki naryqta ǵana emes, Ózbekstan men Qyrǵyzstanǵa eksporttaýdy josparlap otyr.
«Bıyl bizdiń kompanıamyzǵa 30 jyl tolady. Ony meniń jubaıym Keńes Qusaıynov jasaǵan, onyń mamandyǵy anestezıolog. Sol kezde naryqqa bir rettik medısınalyq ónimder óte qajet boldy, sondyqtan mundaı ıdeıa keldi. Biz ónimniń úsh ataýynan bastadyq jáne búgingi tańda assortımentti 110 ataýǵa deıin keńeıttik. Biz qazir barlyq emdeý mekemelerine 3,5 - 4 mln birlik kóleminde suranysqa ıe ónimderimizdi jetkizip jatyrmyz. Búgingi tańda Almatyda aýdany 1000 sharshy metrden asatyn óz óndiristik alańymyz bar. Biz tek óndirip qana qoımaı, dárigerlerdiń suranysy boıynsha jańa ónimderdi ázirleımiz, ózimizdiń konstrýktorlyq búro, tehnologtarymyz bar», - dedi «JULDYZ KENAN So»JSHS dırektory., Ltd» Baǵlan Baqqulova.
Investısıalyq joba Almaty qalasy Kásipkerlik jáne ınvestısıalar basqarmasynyń qoldaýymen iske asyrylýda. Investısıalyq jobany súıemeldeýdi Almatynyń «Almaty Business Development Company» bıznesti damytý kompanıasy júzege asyrady.
«Bul jobaǵa biz AEA rezıdenti mártebesin, tehnıkalyq sharttardy alý bóliginde kómektestik, qazir biz «Almaty Business» óńirlik baǵdarlamasy aıasynda jeńildetilgen qarjylandyrýdy bólý múmkindigin talqylap jatyrmyz, memlekettik organdarmen ózara is - qımyl salasynda jumys júrgizemiz jáne bolashaqta «bir tereze» qaǵıdaty boıynsha qoldaý kórsetetin bolamyz. Joǵary tehnologıalyq jáne «taza óndiristerdi» damytý úshin qala ınvestısıalyq alańdardy – «Inovasıalyq tehnologıalar parki» arnaıy ekonomıkalyq aımaǵyn jáne daıyn ınfraqurylymy bar jer ýchaskesin alý múmkindigimen Almatynyń Indýstrıaldy aımaǵyn belgiledi. Sondaı - aq, AEA aýmaǵynda erekshe salyq jáne kedendik rejımder jumys isteıdi», - dep atap ótti «Almaty Business Development Company» basqarma tóraǵasy Aıdan Ramazan.
Almatyda ınvestorlardy tartý boıynsha belsendi jumys júrgizilýde, atap aıtqanda úsh basym baǵyt - joǵary tehnologıalyq óndiristerdi, týrızmdi jáne kreatıvti ındýstrıalardy damytý boıynsha. Memlekettik jáne óńirlik baǵdarlamalar aıasynda óńdeý ónerkásibi salasyndaǵy shaǵyn jáne orta kásipkerlik sýbektilerine 500 mln teńgege deıingi somada jeńildikti qarjylandyrý qoljetimdi.