Aǵymdaǵy jyldyń 25 qazanynan bastap «Medeý-SHymbulaq» jolyndaǵy tas qulaýynyń saldaryn joıý jumystary bastaldy, dep habarlaıdy almaty-akshamy.kz https://t.me/AlmatyJoly/323) silteme jasap.
Jumys júrgizý kezinde avtokólikterdiń qozǵalysy men jaıaý júrginshilerdiń qozǵalysy shekteldi.
Joba sheńberinde aýmaqtardy tas qulaýynan jáne kóshkinnen ınjenerlik qorǵaý, jartasty jáne jol betkeılerin nyǵaıtý, betkeılerden topyraq pen tastardy túsirý jáne jınaqtaýshy tosqaýyldardy tazartý jumystary josparlanǵan. Joıýǵa shamamen 11 birlik tehnıka men 50 adam tartylatyn bolady.
Sonymen qatar, taý shańǵysy kýrorty men kásiporyndarynyń qyzmetkerleri úshin ótkizý rejıminiń kestesi qalyptastyrylatyn bolady. Qozǵalys týraly aqparat ár uıymnyń basshylyǵynda qol jetimdi bolady.
Jobany iske asyrý eki kezeńge eseptelgen. Negizgi jumystar kelesi jylǵa josparlanǵan.