Qazaqstandyqtar WhatsApp-ta taratqan aqparatqa sáıkes, 25 qazanda el aýmaǵynda Kaspi.kz qosymshasy, sondaı-aq mobıldi taksı shaqyrý qyzmetteri jumys istemeıdi. Stopfake.kz bul aqparattyń jalǵan ekenin jazdy, dep habarlaıdy Almaty-akshamy.kz.
Kaspi.kz baspasóz qyzmeti qosymshanyń ýaqytsha toqtatylatyny týraly qaýesetti joqqa shyǵardy.
– Bul jalǵan. Kaspi.kz ónimderi men qyzmetteri shtattyq rejımde jumys istep tur jáne jumys isteıdi. WhatsApp, Telegram, basqa messendjerler men áleýmettik jelilerde taraǵan aqparat – feık. Senimsiz derekkózderden alynǵan qaýesetterge senbeńizder! Barlyq mańyzdy aqparat Kaspi.kz áleýmettik jelilerde óziniń resmı paraqshalarynda jarıalaıdy, – dep habarlady kompanıa.
İri onlaın-taksı shaqyrý servısterine keletin bolsaq, 2023 jylǵy 25 qazanda olardyń Qazaqstanda óz jumysyn toqtatatyny týraly eshqandaı málimet joq. Mundaı habarlandyrýlar buqaralyq aqparat quraldarynda da, osy qyzmetterdiń resmı paraqshalarynda da shyqqan joq.
Demek, taralǵan habarlama feık.