***
Ońaıǵa túsken tabys oıran salady,
Eńbekpen kelgen eńbektep shyǵady.
***
Qazaq pen qazaqtyń arasyn týys,
Kún men kúnniń arasyn jumys jalǵaıdy.
***
Qysylmaı-aq aıtar edim barshaǵa,
Jaqsy der em eńbekpenen sharshaǵan.
***
Mereke – meıram kóbeıip ketken kezde
Jumys kúnderin saǵynasyń.
***
Eńbekker azamat ólgende onyń artynda
Jańa ǵana bastalǵan bir sharýa qalady...
***
Jalqaýlyq adamnyń qadirin túsiredi,
Biraq eńbektiń baǵasyn kóteredi.
***
Eńbek – saý adamnyń shıpasy.
***
Jumys urmaı-soqpaı tárbıeleıdi.
***
Baıansyz daqpyrttan
Baıandy eńbek artyq.
***
Qaýip elshi emes,
Tynyshtyq – elshi.
Táýip emshi emes,
Eńbek – emshi.
***
Órneksiz tekemet bolsa da,
Eńbeksiz keremet bolmaıdy.
***
Kimniń kim ekeni eńbekkerligimen esepteledi.
***
Eńbekpen til tabysqan talant,
Jalynan sıpatpaıdy.
***
Qamaý teri alynbaǵan júırik
jarysqa jaramaıdy.
Talanttyń qamaý terin jumys alady.
***
Talanttyń bas bapkeri – Eńbek,
Biraq el odan qashyp júredi.
***
Kóp adam oıdy jumys dep eseptemeıdi,
Al ol qara jumystan da aýyr.
***
Jalǵyzdyqtyń ýytyn
Jumys qana qaıyrady.
***
Eńbekpen kelgen aqsha eńirep shyǵady.
***
Eńbekpen baılyq quralmaıdy.
Biraq baılyqty ustap turýǵa Eńbek kerek.
***
Qajýdyń emi – tynys,
Qaıǵynyń emi – jumys.
***
Óz eńbegimen kún kórgender – maımyldar ǵana.
Ózgeniń eńbegimen kún kórgendi qalaıtyndar – adamdar.
***
Eńbekpen ótken ýaqyt eki ese qaıtady.
***
Bári de eńbekpen kelmek,
Ustazdyń ustazy – Eńbek.
***
Aqyl men Eńbek
Bárin de jeńbek.
***
Túk tyndyrmaıtyn ákimniń
Orynbasary kóp bolady.
***
Jumysbasty adamnyń
Jamandyq jasaýǵa ýaqyty joq.
***
Jetimdik – Eńbekke,
Eńbek – kisilikke tárbıeleıdi.
***
Eńbekker adamǵa sóz tımeıdi
Kóz tıedi.
***
Eńbekti kúnkóris dep qaramaı,
Ómirdiń ózi dep túsingen jón.
***
Adam eńbegimen kógeredi.
***
Bir-birine jatatuǵyn jalǵasyp,
Eńbek degen tirshiliktiń duǵasy.
***
Jumys qaıǵyńdy umyttyrady,
Aldyńda úmit turady.
***
Bir kún jumys istemeseń,
Bir kún ómir súrmedim dep túsin.
***
Eńbektiń qadirin eń birinshi bilgen – meshin.
Keıbireýler eńbekten ala almaı júr óshin.
***
Adamdy kúıindiretin,
Tipti kıindiretin de eńbek emes,
Súıindiretin Eńbek.
***
Bir tonna eńbek –
Bir mysqal bedel.
***
Eńbeksiz kelgen dáýlet esirtedi.
***
Qaryz suraǵanǵa suraǵanyn ber,
Aqyl berme!
***
Pendeniń jaýy – pendelik,
Sendegi jáne mendegi.
Baılyq ta emes, Bılik te,
Adamnyń baǵy – Eńbegi.
***
Eńbek! Eńbek! Eńbek!
Eńbekker saǵan ǵana senbek.
***
Jumys – aýyzben emes,
Qolmen oqylatyn duǵa.
***
Jumys – ter tógý,
Demalý – oılaný.
***
Ashshy termen jýylǵan aqsha
Altynmen baǵalanady.
***
Kúrek al da qar kúre,
Sonyń ózi ǵanıbet!
***
Aq aıazda aǵash jarsań,
Qystyń ózi jylynyp júre beredi.
***
Adam jatýdan da jalyǵady.
Jalyqtyrmaıtyn –
Súıikti jumysyń ǵana!
***
Eńbek etýdi qoıǵan maımyl
Adam bolmaıdy.
***
Eńbek etkisi kelmegen adamnyń
İshýden basqa jumysy joq.
***
Usaq-túıekpen
Ózi usaq adamdar shuǵyldanady.
***
Shashyrama!
Shashyrama!
Tursań bir ornyńda tur!
Ursań bir núktege ur!
***
Eńbekker – qyrannyń qanaty,
Tulpardyń tuıaǵy.
Jolbarystyń júregi,
Adamnyń abyroıy.
***
Eńbek – jan-jaqty,
Segiz qyrly, bir syrly emshi.
Eń dámdi jemis, eń qymbat jemis –
Eńbektiń jemisi.
***
Ózin-ózi óltirýdiń ońaı nusqasy – Jalqaýlyq.
***
Kóp jeýge bolmaıdy,
Kóp ishýge bolmaıdy.
Kóp uıyqtaýǵa bolmaıdy,
Kóp eńbek etýge bolady.
***
Talanttyń túbine
Oıyn-saýyq jetedi.
***
Aqymaqtarmen tildeskenshe,
Eńbekkermen shúıirkeles.
***
Jumystyń eń jamany –
Jumys istemeý.
***
Sharýasyn tyndyrǵan adam
Shalqyp sóıleıdi.
***
Eńbektiń Eri –
Mańdaıdyń teri.
Qara jumys qan taratady.
***
Eńbekaqysyz eńbek etkennen
Adam bop ketken maımyl ǵana.
***
Eń aýyr jumys istegen ógizder
Qamshydan bas kótermegen.
***
İsi usaqtyń ózi usaq.
***
Jalqaýlyqpen túńildirme,
Eki qolǵa tynym berme.
***
Eńbek ádetke
Oılaný saltqa aınalýǵa tıis.
***
Uqyptylyq degen ol zań,
Eńbek degen – bálzam.
***
Eńbekpen ǵana ómir qulpyrady.
Eńbekkerdiń kózinde nur turady.
***
Eńbek etpegen pende
Bárinen de kende.
***
Ergejeıliniń ókshesi bıik,
Eńbekkerdiń eńsesi bıik.
***
Qıyndyqtyń qamalyn zeńbirekpen almaıdy,
Eńbekpen alady.
***
Eńbekpen kelgen dúnıeń – óz dúnıeń.
Ózge jelmen kelgen dúnıe – ózgeniki.
***
Jer aýdarǵan kúrektiń júzi jaınap turady.
***
Eńbek – adamnyń avtoportreti.
***
Adam ózi úshin eńbek etedi,
Eli úshin erlik jasaıdy.
***
Qudaı kómektesken kúnniń ózinde
Óziń ter tógýge tıissiń.
***
Abyroıǵa sen qansha eńbek sińirseń,
Ol da sonsha qyzmet etedi.
***
Jaratqannyń ózi jumysker jandy jaratady.
***
Aqylyńa tabyn,
Eki qolyńa jalbaryn,
Qudaı beredi qalǵanyn.
***
Sharshaýdyń ózi rahat, jumysyń bitse.
Jumysyń bitse, jumystyń jemisin kútseń.
***
Baılyq baıansyz,
Baqyt baıansyz,
Eńbek qana baıandy.
***
Erteńge senbe,
Eńbegińe sen!
***
Jesir men jetimniń arqa súıeri –
Jumys qana!
***
Túsine qarap túńilme,
İsine qarap úmitten!