2025 jyly 15 qyrkúıekten 31 qazanǵa deıin Almatyda «Taza Qazaqstan» jalpyrespýblıkalyq baǵdarlamasy aıasynda deratızasıanyń ekinshi kezeńi ótkiziledi, - dep habarlaıdy Aqshamnews.kz.
Barlyq segiz aýdandy qamtyǵan shara kemirgishterdi joıýǵa jáne olardyń paıda bolýynyń aldyn alýǵa baǵyttalǵan.
Dárileý jumystary 47 myń gektardan astam aýmaqta júrgiziledi. Onyń ishinde ózen jaǵalaýlary, sý aıdyndary, jeke turǵyn úılerdiń jer telimderi bar. Jeke sektor turǵyndaryna qoldaný jónindegi nusqaýlyqpen birge ýlaǵysh jem tegin beriledi.
Almatyda deratızasıa jylyna eki ret – kóktemde jáne kúzde júrgiziledi. Mundaı keshendi sharalar kemirgishter sanyn tıimdi baqylaýǵa jáne olardyń taralý qaýpin azaıtýǵa múmkindik beredi.
Sharalardy ótkizý kestesi (https://www.gov.kz/memleket/entities/almaty-uzh/press/news/details/1066591) aýa raıyna baılanysty ózgerýi múmkin.
Almaty qalasy Komýnaldyq ınfraqurylym jáne turǵyn úı ınspeksıasy basqarmasy óz kezeginde zańdy tulǵalarǵa, PIK, MIB jáne QS-ke qarasty aýmaqtarda jáne qoqys konteıner alańdarynda deratızasıa jumystaryn jalpyqalalyq deratızasıamen birge uıymdastyrýdy suraıdy.
Deratızasıa jumystaryna qatysty shaǵym men suraq týyndaǵan jaǵdaıda turǵyndar «Eko Servıs Almaty» JSHS dıspecherlik qyzmetine kelesi telefon nómirleri arqyly habarlasa alady: +7 705 225 13 31 (Erbol), +7 705 118 77 88 (Nurjan).