Almatyda jalǵan qujatpen qoǵamdyq kólikti basqarǵan júrgizýshi anyqtaldy
Belgili bolǵanydaı er adam 2021 jyly kólik quralyn basqarý quqyǵynan aıyrylǵan, dep habarlaıdy Almaty-akshamy.kz İnform.kz-ke silteme jasap.
«Alaıda S. esimdi azamat jalǵan júrgizýshi kýáligin jasap, zańdy aınalyp ótpekshi boldy. Quqyq buzýshy № 85-baǵyttaǵy qoǵamdyq kólikti basqaryp kele jatyp, avtovokzal mańyndaǵy aıaldamada ustaldy. Onyń jeke basyn tekserý kezinde jalǵan qujattyń paıdalanǵany anyqtaldy, sonymen qatar oǵan jolaýshylardy tasymaldaýǵa múmkindik beretin sanattar sheberlikpen qosylǵan. Kólikti toqtatqan sátte ishinde 40-tan astam jolaýshy boldy. Aýdandyq Polısıa basqarmasynda jalǵan qujat jasaý deregi boıynsha sotqa deıingi tergeý bastaldy»,- Almaty qalalyq PD Ákimshilik polısıa basqarmasy bastyǵynyń orynbasary Dáýlet Seıitqulov.
Polısıa ókiliniń aıtýynsha, júrgizýshige jáne onyń qujattaryn durys qadaǵalamaǵan avtopark basshylyǵyna qatysty ákimshilik shara qoldanyldy. Qoǵamdyq kólik mamandandyrylǵan aıyppul turaǵyna qoıyldy.
Aıta keteıik, Almatyda 2022 jyldyń 19 shildesi men 18 tamyzy aralyǵynda jol-kólik oqıǵalarynyń jáne onyń zardaptarynyń aýyrlyǵyn aldyn alýǵa jáne azaıtýǵa baǵyttalǵan «Qaýipsiz jol» respýblıkalyq aılyǵy ótip jatyr.