Bul týraly Almaty qalasy ákiminiń orynbasary İlıas Óserov Óńirlik komýnıkasıalar qyzmeti alańynda aıtty, dep habarlaıdy Almaty-akshamy.kz
İlıas Óserovtyń habarlaýynsha, Almatyda kúnkóris mınımýmy ótken jyldyń jeltoqsanymen salystyrǵanda 23,2 paıyzǵa ósken. Búginde ol 44 105 teńgeni quraıdy.
Statısıkalyq málimetterge sáıkes, Almatyda tabysy eń tómengi kúnkóris deńgeıinen tómen 87 myńnan astam adam turady. Iaǵnı, qala halqynyń jalpy sanynyń 4,4%-y. Azamattardyń osy sanatyna AÁK tóleý (2,6 mlrd bólindi), jumysqa ornalasýǵa kómek, bıznes jobalardy iske asyrý úshin granttar berý (7,3 mlrd jiberildi) túrinde jan-jaqty qoldaý kórsetiledi.
- Eń tómengi kúnkóris deńgeıiniń esebine azyq-túlik te, azyq-túliktik emes taýarlar men qyzmetterge jumsalatyn shyǵyndar da kiredi, - dedi Almaty qalasy ákiminiń orynbasary.
Onyń ústine, Memleket basshysynyń sońǵy Joldaýy barysynda eń tómengi jalaqy mólsheri 2022 jyldyń 1 qańtarynan bastap 42 500-den 60 000 teńgege deıin artatyny aıtylǵan edi.