"Jedel járdemmen" 4 adam jetkizildi
Dárigerler kólik apatynan zardap adamdardyń jaǵdaıy týraly aıtty, dep habarlaıdy Almaty-akshamy.kz.
Almaty qalalyq qoǵamdyq densaýlyq saqtaý basqarmasynyń málimetinshe, jol apatynan jaraqat alǵandar dereý jedel járdem qyzmetimen emdeý mekemelerine jetkizildi.
«Qalalyq aýrýhanaǵa "jedel járdemmen" 4 adam jetkizildi. Olarǵa bas súıek-mı jaraqaty, súıek syný jáne túrli dárejedegi dene jaraqattary dıagnozy qoıyldy. Tıisti medısınalyq kómek kórsetilgen soń zardap shekkenderdiń biri ambýlatorlyq em qabyldaýǵa jiberildi, úsheýi aýrýhanaǵa jatqyzyldy. Onyń ekeýi jansaqtaý bóliminde jatyr. Qazir jaǵdaılary aýyr dep baǵalandy. Taǵy bir adamnyń jaǵdaıy ortasha aýyr dep baǵalanǵan. Ol №7 qalalyq klınıkalyq aýrýhananyń neırohırýrgıa bólimine jatqyzyldy», – dep habarlady qalalyq densaýlyq saqtaý basqarmasynyń baspasóz qyzmeti.
Eske salaıyq, keshe Rysqulov dańǵylynyń boıymen batys baǵytta júrip kele jatqan Volkswagen kóliginiń júrgizýshisi manevr jasaý barysynda Toyota kóligimen soqtyǵysyp, saldarynan Toyota kópirden qulady.