Kólik urysy "Mazda" avtokólikterin urlaýǵa mashyqtanǵan.
Qalalyq krımınaldyq polısıanyń málimetinshe, Almaty oblysynyń 28 jastaǵy týmasyna qatysty kólik urlaýdyń úsh deregi anyqtaldy. Jańa epızodtar da joqqa shyǵarylmaıdy, dep habarlaıdy Almaty-akshamy.kz Polisia.kz-ke silteme jasap.
«Ustalǵan azamat tek Mazda avtokólikterin urlaýǵa mamandanǵan. Kúdiktini áshkereleý jáne ustaý is-sharasyn bizdiń bólimshe qyzmetkerleri Túrksib aýdandyq polısıa basqarmasyndaǵy áriptesteriniń kómegimen júrgizdi. Onymen birge satyp alýshy da qamaýǵa alyndy. Qaskóıler qylmystyq mámile kezinde ustaldy: urlaýshy bótenniń kóligin Esik qalasyna ákelgen, al satyp alýshy kóliktiń urlanǵanyn bile tura, ony qabyldaǵan. Olar óz isterin birden moıyndady. Jedel izdestirý sharalary barysynda qaskóıdiń tek kúndizgi ýaqytta urlyq jasaǵany anyqtaldy. Ol "Mart" saýda úıiniń turaǵynan eki kólikti, al bazardyń turaǵynan taǵy bir kólikti urlap ketken. Ol qulypty ashyp, qozǵaltqyshty iske qosý úshin arnaıy tehnıkanyń kómegimen kólikti ashqan», — dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
Polısıa kólik satý tizbegin sońyna deıin baqylaı aldy. Úsh temir tulpar úshinshi tulǵalarǵa qaıta satylǵan, ekeýin bólshektep úlgermegen. Atalǵan derek boıynsha qylmystyq is tergelýde. Tergeý barysynda qaskóıler ýaqytsha ustaý ızolátoryna qamaldy.