Onyń magnıtýdasy bastapqyda 7,3 dep baǵalanyp, artynsha 7,4-ke deıin jetken.
16 naýryzda Japonıanyń soltústik-shyǵysynda jergilikti ýaqyt boıynsha 23:36-da (Nur-Sultan boıynsha 20:36) kúshti jer silkinisi boldy, dep habarlady Almaty-akshamy.kz Turkystan.kz silteme jasap.
Sońǵy málimetter boıynsha tabıǵı apattan 126 adam zardap shegip, eki adam qaıtys bolǵan. Apat saldarynan 2 mıllıonǵa jýyq turǵyn jaryqsyz qaldy. Olardyń qatarynda 700 myńǵa jýyq Tokıo turǵyndary da bar. Qazir elektr energıasy qalpyna keltirildi.
Jer silkinisinen keıin meteorologtar birden Mıagı men Fýkýsıma provınsıalarynda sýnamı bolýy múmkin ekenin eskertti. Alaıda birneshe saǵattan keıin sýnamı qaýpi tolyq joıyldy.
Jerasty dúmpýleri saldarynan Mıagı prefektýrasyndaǵy avtomobıl joly men jol jamylǵysy zaqymdalǵan. Fýkýsıma prefektýrasynda kópqabatty turǵyn úı qulap, Fýkýsıma men Sıroısıdzao stansıalary arasyndaǵy ýchaskede júrdek poıyz relsten shyǵyp ketti. Poıyzda 96 jolaýshy bolǵan, olardyń arasynda zardap shekkender joq.
17 naýryz kúni tańerteń aımaqta magnıtýdasy 2,5-ten asatyn 20 jer silkinisi boldy.