Almatyda Konstıtýsıalyq reformalar men áleýmettik damý modelin transformasıalaýdyń ózekti máselesi talqylandy.
Konferensıaǵa Parlament Májilisiniń Halyqaralyq ister, qorǵanys jáne qaýipsizdik komıtetiniń tóraıymy Aıgúl Quspan, Májilis depýtattary Aıdos Sarym men Juldyz Súleımenova, sondaı-aq elimizdiń ǵylymı-zertteý uıymdary men joǵary oqý oryndarynyń jetekshi sarapshylary qatysty, dep habarlaıdy Almaty-akshamy.kz
Talqylaý barysynda eldiń áleýmettik damýynyń josparyn iske asyrý boıynsha usynystar aıtyldy. Ásirese, memleket pen qoǵam aldynda turǵan jańa mindetterdi sheshýdegi túrli tásilderge basymdyq berildi.
"Nege qazirgi kezeńde kedeılik máselesi bar. Jastardyń kóbi nege qoǵamdyq eńbekten oqshaý qalyp tur. Qazirgi kezeńde qundylyqtar qalaı ózgerip jatyr? Ásirese, jastardyń otbasyn qurýǵa, jumysqa degen qundylyǵy, basqa qundylyqtary ózgerip jatyr. Qaraıtyn máseleler óte kóp", - dedi sosıologıa ǵylymdarynyń doktory Mánsıa Sadyrova.