Kúdikti terezeni syndyrý arqyly urlyq jasaǵan
Almaty qalalyq Polısıa departamenti turǵyndardyń kóligin tonaýmen aınalysqan azamatty ustaǵandaryn málimdedi, dep habarlaıdy Almaty-akshamy.kz.
QR QK-niń 188-baby 3-bóliginiń 2,3-tarmaǵynda (urlyq, ıaǵnı bótenniń múlkin birneshe ret jasyryn jymqyrý) kózdelgen qylmystyq quqyq buzýshylyqty jasady degen kúdikpen 2000 jyly týǵan M.esimdi azamat ustaldy.
«Kúdikti terezeni syndyrý arqyly urlyq jasaǵan. Ol kóliktiń salonynan qundylyǵy bar zattyń barlyǵyn alyp ketken. Sotqa deıingi tergeý barysynda kúdikti zańsyz baıý maqsatynda turǵyn úılerdiń aýlalarynda turǵan kólikterden urlyq jasaǵandyǵy anyqtaldy. Qazirgi ýaqytta tergeý joǵaryda atalǵan adamnyń alty qylmysqa qatysy baryn anyqtady», - dedi, Áýezov aýdandyq polısıa Basqarmasynyń bastyǵy, polısıa podpolkovnıgi Ulan Ábilqaıyr.
Tergeý barysynda kúdikti ýaqytsha ustaý ızolátoryna qamaldy. Onyń jeke basy qalada buryn jasalǵan osyndaı qylmystarǵa qatysy bar-joǵyna tekseriletin bolady.