Bul kórmege qatysý Ortalyq Azıa óńirinde bıznes bastaýǵa nemese keńeıtýge, jańa ónimder men qyzmetterdi iske qosýǵa múmkindik beredi.
2021 jylǵy 13-15 qazan aralyǵynda Almatyda «Kólik jáne logıstıka» – TransLogistica Kazakhstan 2021 halyqaralyq kórmesi ótedi, dep habarlaıdy Almaty-akshamy.kz QR IIDM telegram kanalyna silteme jasap.
Bul kórme 1996 jyldan bergi jumysy kezeńinde búkil Ortalyq Azıa óńirindegi eń iri kólik kórmesi mártebesine ıe boldy. Árıne, pandemıa búkil álemdegi kólik-logıstıka tizbeginiń jumysyn ózgertti jáne qıyndatty. Ortalyq Azıa óńiri de odan tys qalmady. Al Eýropa, Ońtústik jáne Shyǵys Azıa arasyndaǵy júk aǵyndaryn qamtamasyz etýdegi óńirdiń mańyzyn eskersek, Qazaqstannyń aldynda barlyq óńirlik jáne jahandyq kólik tizbekterine tıimdi yqpaldasý mindeti tur. Búginde elimizdiń tranzıttik áleýetin damytý Qazaqstandy transkontınentaldyq kólik dálizderiniń arhıtektýrasyndaǵy ajyramas elementke aınaldyra otyryp, jańa deńgeıge shyǵýǵa tıis.