Kóbine 20 men 40 jas aralyǵyndaǵy azamattar eken, olardyń 33%-y osy indetke shaldyqqan.
Almaty qalasynyń bas sanıtarlyq dárigeri Jandarbek Bekshın Óńirlik komýnıkasıalar qyzmetiniń baspasóz konferensıasynda sońǵy epıdemıologıalyq tekserý nátıjeleri boıynsha azamattardyń 90%-y koronavırýspen aýyratyn naýqastarmen baılanysta bolǵandyqtan aýyrǵanyn aıtty, dep habarlaıdy Almaty-akshamy.kz.
Burynǵydaı qoǵamdyq oryndarda juqtyrý qaýpi joǵary — 49%, otbasylarda — 22%, al qoǵamdyq kólikte — 18%.
Kóbinese 20 men 40 jas aralyǵyndaǵy azamattardyń 33%, 40 pen 60 jas aralyǵyndaǵy azamattardyń 28%, al 60 jastan asqandardyń 25% jıi aýyrady. Osy jas sanatyndaǵy azamattar barlyq naýqastardyń 86%-yn quraıdy.
Jandarbek Bekshın qala turǵyndaryn sanıtarlyq-epıdemıologıalyq talaptardy qatań saqtaýǵa shaqyrdy: jabyq bólmeler men adamdar kóp jınalatyn oryndarǵa barǵanda betperde taǵýdy, sondaı-aq saparǵa jıi shyǵýdan, adam kóp jınalatyn buqaralyq is-sharalarǵa barýdan aýlaq bolýdy eskertti. Aýrýdyń aldyn alýdyń mańyzdy sharasy — gıgıena, ásirese, qoldy taza ustaý.
Sóziniń sońynda Jandarbek Bekshın qala turǵyndaryn belsendi túrde vaksınalanýǵa shaqyrdy. Ol adamdardyń qaýipti ınfeksıadan qorǵaıtyn vaksına almasa, aýrýdyń azaımaıtynyn atap ótti.