Portalda bızneske arnalǵan qyzmetter tizbegi keńeıtiletin bolady.
"Almaty qalasyn 2025 jylǵa deıin jáne orta merzimdi perspektıvalardy 2030 jylǵa deıin damytý" Baǵdarlamasyn iske asyrý sheńberinde, megapolıste kásipkerliktiń Sıfrlyq kartasy qalyptastyrylatyn bolady. Jańashyldyq shaǵyn jáne orta bıznestiń jaǵdaıyn baǵalaý úshin almatybusiness.gov.kz veb-portaly bazasyna engiziledi, dep habarlady Almaty-akshamy.kz.
Karta kásipkerliktiń damý trendin qadaǵalaýǵa jáne syrtqy ortanyń ózgermeli jaǵdaılaryna tez beıimdelýge múmkindik beredi, ol turaqty túrde jańartylyp otyrady. Sıfrlyq ónim kásipkerlik ortanyń aǵymdaǵy jaǵdaıy men qajettilikterin eskere otyryp, qalanyń keńistiktik damýynyń keshendi kózqarasyna múmkindik beredi. Osylaısha, onlaın-qyzmetke qol jetimdilikti arttyrý maqsatynda, portalda bızneske arnalǵan qyzmetter tizbegi keńeıtiletin bolady, mysaly, belgili bir qyzmet túri úshin qolaıly oryndy tańdaý fýnksıasy engiziledi.
Sonymen birge, 2025 jylǵy merzimge deıin jyl saıyn ózektendirile otyryp, Almaty qalasynyń Investısıalyq kartasyn bekitý josparlanyp otyr. «Qoldaý» kásipkerlik ortalyǵynyń negizinde «Almaty Invest» ınvestısıalaryn tartý boıynsha qalalyq front-ofıs qurylatyn bolady, onda ınvestorlarmen ózara is-qımyl jasaý ınvestısıalyq jobalardyń búkil ómirlik aınalymy boıyna "bir tereze" (First stop shop) qaǵıdaty boıynsha júrgiziletin bolady. Jańa ınvestorlardy tartýmen qatar, front-ofıstiń jumysy áreket etip júrgen ınvestorlardy jańa jobalarǵa qaıta ınvestısıa salýǵa yntalandyrýǵa baǵyttalatyn bolady.
Sondaı-aq, ınvestısıalardy tartýǵa halyqaralyq uıymdar men Transulttyq kompanıasynyń óńirlik ókildikterin ornalastyrý yqpal etetin bolady. Búginde, Almatyda 80-nen astam óńirlik ókildikter bar. 2030 jylǵa deıin Transulttyq kompanıasynyń taǵy da keminde 50 ókildigin ashýdy qamtamasyz etý josparlanyp otyr. Joǵaryda atalǵan sharalardy iske asyrý onyń kóleńkeden shyǵýyna jáne usynylatyn qyzmetterdiń sapasyn jaqsartýǵa, qala ekonomıkasyn turaqty damytýǵa baǵyttalǵan sapaly ınvestısıalar tartýǵa kómek kórsete otyryp, bıznestiń turaqtylyǵyn arttyrady.