Qalalyq shtab qaýipsizdik sharalaryn saqtaýǵa shaqyrady.
Almatyda monıtorıńtik toptar 2-7 tamyz aralyǵynda 840 nysandy tekserdi, olardyń 147-sinde karantındik sharalardy buzý anyqtaldy. Birneshe ret berilgen eskertýlerge qaramastan, kásipkerler belgilengen jumys ýaqytyn buzýdy, toılardy uıymdastyrýdy jalǵastyrýda. Sonymen qatar, ınspektorlar qoǵamdyq kólikte tekserý júrgizip, betperde rejımin buzýshylardy da anyqtaýda.
Aýdandyq ákimdikterdiń, jergilikti polısıa qyzmetiniń qyzmetkerlerinen, «Atameken» kásipkerler palatasynyń ókilderinen turatyn monıtorıńtik toptardyń tekserý nátıjeleri boıynsha 63 hattama jasaldy, onyń ishinde zańdy tulǵalarǵa 2348 185 teńge somasynda 7 aıyppul salyndy. Jeke tulǵalarǵa qatysty maska rejımin buzǵany úshin 39 hattama toltyrylyp, 494 035 teńge kóleminde aıyppul salyndy.
Almatydaǵy saýda mekemelerinde, qoǵamdyq kólikterde jáne qoǵamdyq tamaqtaný oryndarynda COVID-19 boıynsha epıdemıaǵa qarsy talaptardyń saqtalýyna kún saıyn monıtorıń júrgiziledi. Mysaly, 5-8 tamyz aralyǵynda zań talaptaryn buzǵan 83 zańdy tulǵa anyqtaldy. Ótken aptada baqylaý toptary qoǵamdyq kólikterde maska rejıminiń saqtalýyn tekserdi. 110-nan astam avtobýs tekserilip, 23 adamǵa qatysty QR ÁQBtK 1-bóliminiń 425-baby boıynsha ákimshilik hattamalar toltyryldy. Zań buzýshylyqtar negizinen myna avtobýs baǵyttarynda anyqtaldy: 1, 98, 32, 123, 79, 11, 9, 45, 22, 135, 105, 201, 7, 126, 60, 114, 25, 5, 5V, 29, 65 , 37, 205, 224, 20, 148, 38, 62, 210, 45, 18. Barlyq materıaldar tıisti sharalar qoldaný úshin aýdandyq sanıtarlyq-epıdemıologıalyq baqylaý bólimderine jiberildi. Eske salsaq, qazirgi ýaqytta Almaty «qońyr qyzyl aımaqta». Osyǵan baılanysty aýrýdyń taralýyn boldyrmaý úshin birqatar shekteý sharalary iske asýda.
Ońtústik astanada ótken aptada birneshe toı anyqtaldy.
Sonymen, 5 tamyzda Naýryzbaı aýdanynda saǵat 16.09 shamasynda Qalqaman shaǵynaýdanyndaǵy «Mara» meıramhanasynda 40 adamnyń qatysýymen merekelik shara ótti.
7 tamyzda Medeý aýdanynda saǵat 00.31 shamasynda «Billionaire» karaoke-bar jumys istedi, onda shamamen 40 adam boldy.
Dál sol kúni Almaly aýdanynda «Premier Hall» meıramhanasyndaǵy karantın talabyn buzyp, 100 qonaqtyń qatysýymen ótkizilip jatqan toı tirkeldi.
Almaly aýdanynda 7 tamyzda shamamen 21.24 saǵatta «Krysha Mıra» barynda buzýshylyq tirkeldi, onda bir mezgilde 300-ge jýyq adam boldy.
7 tamyzda Bostandyq aýdanynda saǵat 14.10 shamasynda «Bi Kumis Restauran» meıramhanasynyń saltanat zalynda 150 adamnyń qatysýymen toı ótip, zań buzýshylyq tirkeldi.
Medeý aýdanynyń monıtorıńtik toby 08.08.21 j. «Roıál týlıp» qonaq úı kesheniniń aýmaǵynda «Black star burger» ókilderi shara ótkizgen. Quqyq buzýshylyq faktisi boıynsha «Roıál týlıp» jáne «Black star burger» qonaqúı kesheniniń ókilderinen túsindirme alyndy.
Eske salsaq, Almatyda epıdemıologıalyq ahýal ýshyǵyp tur, kúnine 1500-den astam jaǵdaı tirkeledi, sáıkesinshe aýrýhanaǵa jatqyzý sany artyp keledi. Búginde juqpaly aýrýlar aýrýhanalarynda 5 591 adam bar, olardyń 187-si balalar. Reanımasıada 397 pasıent bar, 63 adam ÓJJ appratyna, 159 ınvazıvti emes ÓJJ apparatyna, High flow apparatyna 152 adam qosylǵan. AMSAK pen Telemedısına ortalyǵynyń mobıldi toptary 11624 pasıentti úılerinde baqylaýda.
Medısınalyq mekemelerdiń júktemesi óte úlken, al almatylyqtar koronavırýs pen onyń shtammdaryn taratatyn belgilengen shekteýlerdi elemeı otyr. Aıtpaqshy, karantındi buzýshylardyń arasynda jastar men orta jastaǵy adamdar bar. «Delta» shtamynyń ereksheligi - ol jastarǵa tez juǵady. Qazir qalanyń aýrýhanalarynda 40 jasqa deıingi jastar - 23%. Olardyń deni vaksınalanbaǵandar.
Eske salsaq, vaksına koronavırýspen kúresýdiń eń tıimdi joly bolyp qala beredi.