Qazirgi ýaqytta kúdikti eki epızod boıynsha óz isin moıyndady.
Almatyda polıseıler kólikten urlyq jasady degen kúdikpen 32 jasar azamatty ustady, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy málimet boıynsha, K.esimdi azamat buryn kólik tonaǵany úshin qylmystyq jaýapkershilikke tartylǵan.
«Bul joly ol “Mıtsýbısı Delıka” avtokóliginiń qulpyn ashyp, salonyna kirip, noýtbýkty urlaǵan. Jeńil aqsha áýesqoıynyń qylmystyq áreketteri beınebaqylaý kameralaryna túsip qalǵan. Biz kúdiktiniń izine tústik jáne ony ustadyq. Er adamnyń qalanyń ortalyq bóliginde jumys jasaǵany anyqtaldy. Ózine qolaıly kólik izdegen ol júrgizýshiniń ketýin kútip, qolda bar quralmen qulypty ashyp, qolyna túsken qundy zattardy urlady. Qazirgi ýaqytta kúdikti eki epızod boıynsha óz isin moıyndady. Onyń basqa qylmystarǵa qatystylyǵy tekserilýde», – deıdi Almaly aýdandyq polısıa basqarmasynyń bastyǵy Esen Ysqaqov.
Polısıa sonymen qatar, sotqa deıingi tergeý QR QK-niń 188-baby 3-bólimi boıynsha jasalǵan qylmysqa sáıkes júrgiziletinin atap ótti.