Almatyda eki kúnde jumys rejımin eskermegen jáne toı uıymdastyrǵan 40 mekeme anyqtaldy, dep habarlaıdy almaty-akshamy.kz
Almatyda 26-28 tamyz aralyǵynda belgilengen shekteýlerdiń 20 ret buzylǵany anyqtaldy. 40 monıtorıńtik toptyń ókilderi kásipkerlermen kezdesip, memlekettik bas sanıtarlyq dárigerdiń talaptaryn saqtaý jáne Ashyq jobasynda kelýshilerdi tirkeý talaptaryn oryndaý jáne basqa kelýshilerdiń juqtyrýdy boldyrmaý qajettiligin túsindirýde.
Alaıda qaladaǵy oıyn-saýyq mekemeleriniń ıeleri karantındik shekteýlerdi elemeı, jumys rejımin buzyp, banketter ótkizip, jurtshylyqtyń jınalýyna jol berýde.
Mysaly, 26 tamyzda saǵat 23.32 shamasynda Áýezov aýdanynyń mobıldi toby Jazıra shaǵynaýdanyndaǵy "Peshera" kafesinde zań buzýshylyqty tirkegen. Mekeme Ashyq jobasynyń kóshbasshysy bolmasa da, saǵat 22.00-den keıin jumysyn jalǵastyrǵan. Kafeden 20 kelýshi shyǵaryldy.
Sol kúni Taýgúl-1 shaǵynaýdanynda tún ortasynda jıyrma shaqty demalýshy bolǵan "Alı bro" kafesinde jumys rejıminiń buzylǵany anyqtaldy.
27 tamyzda Almaly aýdanynda saǵat 23.30 shamasynda Muratbaev kóshesinde La Janbyr kafesi karantındik shekteýdi buzyp, jumys istedi. Kafede 40 adam bolǵan. Tóle bı kóshesindegi "Han Saraı" meıramhanasy da jumys tártibin buzǵan.
Bostandyq aýdanynda 28 tamyz kúni saǵat 15.37-de Tımırázev kóshesindegi "Versal" meıramhanasynda "Qyz uzatý" (qalyńdyqty shyǵaryp salý) is-sharasy ótkizildi. Toıǵa kelgen 50 qonaqpen profılaktıkalyq áńgime júrgizildi. Sondaı-aq túngi saǵat 2.00-de "Fa Sol" karaokeniń jumysy toqtatyldy. Mekemeden 40 adam shyǵaryldy. Sol túni Seıfýllın kóshesindegi "Mega karaokede" 50 kelýshi bolǵan buzýshylyq anyqtaldy.
Almatyda ekinshi aptada 150 oıyn-saýyq mekemesiniń janynda polısıanyń patrúldik avtoekıpajdary boldy, kún saıyn 130-ǵa jýyq qyzmetker kezekshilik atqarýda.
Qala turǵyndary adamdar kóp jınalatyn jerlerge barýdan bas tartyp, múmkindiginshe úıde bolǵandary jón. Qoǵamdyq densaýlyq basqarmasynyń málimetinshe, 31 tamyzda megapolıste koronavırýstyq ınfeksıanyń 1 259 jaǵdaıy tirkelgen, ınfeksıalyq stasıonarlarda 5 095 adam, onyń ishinde 125 bala bar. 10 307 pasıent úıde AMSAK mobıldi brıgadalarynyń jáne telemedısına ortalyǵynyń baqylaýynda.
Degenmen, koronavırýs juqtyrǵan almatylyqtar ózin-ózi oqshaýlaý rejımin elemeı otyr. Qalanyń sanıtarlyq-epıdemıologıalyq baqylaý departamentiniń málimetteri boıynsha 9 sáýirden 17 tamyzǵa deıingi aralyqta Ashyq qosymshasyn skanerleý nátıjesinde 5 515 turǵynnyń «qyzyl» jáne 735 turǵynnyń «sary» mártebesi rastaldy.