Qylmystyq júıeni uıymdastyrýshylar zańsyz altyn izdeýshi «brıgadırlerdi» qarjylandyra otyryp, zańsyz altyn óndirý jumysyn júrgizýge jaǵdaı jasaǵan.
İshki ister mınıstrligi elimizdegi 5 óńirde aýqymdy arnaıy operasıa ótkizdi. Barlyǵy 32 adam ustaldy, dep habarlaıdy Almaty-akshamy.kz QazAqparat-qa silteme jasap.
Aqmola oblysyndaǵy kenish jáne kásiporyndardaǵy altyny bar materıaldardy jymqyrýmen aınalysqan qylmystyq toptyń jolyn kesý úshin İshki ister mınıstrligi arnaıy maqsattaǵy jasaqty tarta otyryp Nur-Sultan, Almaty, Shymkent, Aqmola, Mańǵystaý oblystarynda arnaıy operasıa ótkizdi. Qylmystyq júıeni uıymdastyrýshylar zańsyz altyn izdeýshi «brıgadırlerdi» qarjylandyra otyryp zańsyz altyn óndirý jumysyn júrgizýge jaǵdaı jasaǵan. Keshendi is-shara barysynda qylmystyq júıeniń barlyq áreketi qujatqa túsirildi. Onyń ishinde zańsyz altyn óndirýden bastap, daıyn zergerlik buıymdy satý oryndary da qamtylǵan. Tipti ónimdi kóliktegi jasyryn orynda alyp júrý, oǵan qoldan jasalǵan qujattar ázirleý de bar.
27 tamyzda 40 nysandy tintý kezendi mynadaı zattar tárkilendi: – altyny bar metaldy ónidiretin sehtyń qyzmetin uıymdastyrýǵa qajetti qurylǵylar (ustatý qondyrǵysy, hımıkat-reaktıvter jáne basqa da qoldan ázirlengen saımandar); – Almaty men Shymkenttegi zerger buıymdaryn balqytatyn jáne ázirleıtin eki jasyryn seh (balqytý stanogi, altyn quıatyn qalyp, konsentrattar jáne basqa da qural-jabdyqtar); –95 mln 801 myń teńge jáne 356 myń AQSH dollary; – altyn buıymdar men usaq altyn qıyrshyǵy, jalpy salmaǵy 10 keliden asady; – 13 qymbat kólik (2020-2021 jylǵy Lexus LX 570, Nissan Patrol, Toyota); – 5 qarý; – Shymkenttegi jasyryn sehtyń qyzmetine qatysty qujattar. Qylmysqa qatysty degen kúdikpen 32 adam ustaldy, onyń 9-y Qylmystyq is júrgizý kodeksiniń 128-babymen ýaqytsha ustaý ızolátoryna qamaldy. Qylmystyq topty uıymdastyrýshylardyń ústinen Qylmystyq kodekstiń 262-baby 1,2-bóligimen, 188-baptyń 4-bóligimen, 196-baptyń 4-bóligimen qylmystyq is qozǵaldy. Qazir sotqa deıingi tergeý júrgizilip jatyr.