Internet arqyly esirtki satyp, olardy aımaq ishinde jasyrýmen aınalysý úrdisi – ózekti máselelerdiń biri, dep habarlaıdy Almaty-akshamy.kz Polisia.kz-ke silteme jasap.
«Jyl basynan beri osy qylmystyq áreket boıynsha 43 esirtki satýshy áshkerelenip, oqıǵa ornynda ustaldy. Mysaly, jedel izdestirý is-sharalary barysynda bizdiń bólimshe qyzmetkerleri joǵary oqý oryndarynyń birinde oqıtyn 19 jastaǵy stýdentti ustady. Odan sıntetıkalyq esirtki zaty bar 25 polıetılen býmasy tárkilendi. Sonymen qatar, oıyn-saýyq mekemelerinde esirtkini paıdalaný men ótkizý derekterin anyqtaý boıynsha is-sharalar turaqty túrde júrgizilýde. Osyǵan deıin maqsatty is-sharalardyń nátıjesinde túngi klýbtardyń birinde esirtki satýmen aınalysqan 21 jastaǵy barmen ustalyp, onyń jumys orny men turǵylyqty jerinde “sıntetıka” tárkilengeni týraly habarlaǵan bolatynbyz. Osyndaı arnaıy is-sharalardy qaladaǵy eki úlken meıramhanada jasadyq. Onda aspazdar esirtki satýmen aınalysqan. Olar qamaýǵa alyndy», – dep habarlady Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.