Qańtar-tamyz aılarynda Qazaqstanda taksı qyzmetterin kórsetetin kompanıalardyń tabysy 3 mlrd teńgeni qurady.
Sektordaǵy eń joǵary kórsetkish Qaraǵandy oblysynda tirkeldi. Kóshbasshylar úshtigine elorda jáne Almaty qalalary kirdi, dep habarlaıdy Almaty-akshamy.kz.
Jyl basynan beri 1,4 mıllıard jolaýshy taksı qyzmetin paıdalandy. Bul ótken jylmen salystyrǵanda 6,1%-ǵa kóp. Tamyz aıynyń qorytyndysy boıynsha taksı baǵasy bir jylda 9%-ǵa ósti.
Óńirlik bóliniste Jetisý oblysynyń turǵyndary baǵanyń ósýin qatty sezindi: bir jylda 37,7%. Úshtikte Almaty jáne Abaı oblystary tur. Baǵanyń eń tómen jyldyq ósýi Aqmola oblysynda tirkeldi. Taǵy tórt oblysta — Aqtóbe, Qaraǵandy, Ulytaý jáne Túrkistan oblystarynda baǵalar bir jyl burynǵydaı deńgeıde qaldy.
Numbeo málimetteri boıynsha, 6 qazanynda 1 km-ge eseptelgen taksı qyzmetteriniń eń tómengi baǵasy Pákistanda, al eń joǵarǵysy Shveısarıada tirkeldi.