Almatyda jastar men zeınetkerlik jasqa deıingi adamdardy jumyspen qamtý qalaı qamtamasyz etiledi?
Almaty qalasynyń Mansap ortalyǵynyń basshysy Ádilet Jańabaev Óńirlik komýnıkasıalar qyzmetiniń brıfıńinde almatylyqtarǵa jumysqa ornalasýdyń qandaı sharalary bar ekenin, sondaı-aq, kásipkerlikti damytý jáne qoldaý sharalary qoljetimdi ekenin aıtty, dep habarlaıdy almaty-akshamy.kz.
Kásipkerlikti damytýdyń 2021-2025 jyldarǵa arnalǵan ulttyq jobasy sheńberinde sýbsıdıalanatyn jumys oryndaryna jumysqa ornalasý júrip jatyr. Ortalyqta jastar men 50 jastan asqan adamdardy jumysqa ornalastyrýǵa erekshe kóńil bólinedi.
«Jastar úshin búgingi tańda jastar tájirıbesi baǵdarlamasy ózekti - bul alǵan mamandyǵy (kásibi) boıynsha bastapqy jumys tájirıbesin alý maqsatynda bilim berý uıymdarynyń jumyssyz túlekteri júzege asyratyn eńbek qyzmetiniń túri. Joldamany alǵan mamandyǵy boıynsha jumys tájirıbesi joq, bes jyl ishinde oqýyn aıaqtaǵan 35 jasqa deıingi jastar ala alady. Jalaqy 12 aıdan aspaıtyn merzimge 40 aılyq eseptik kórsetkishti - 138 000 teńgeni quraıdy,», - dep bólisti spıker.
Sondaı-aq, 50 jastan asqan jumyssyz adamdardyń ekonomıkalyq belsendiligin arttyrýǵa baǵyttalǵan «Kúmis jas» jobasy iske asyrylýda. Azamattardyń bul sanaty uıymda 36 aıdan aspaıtyn merzimde joldama alýǵa múmkindigi bar. Jalaqy ishinara sýbsıdıalanady, ıaǵnı jumys berýshi men memleket jalaqyny belgileıdi:
- jumystyń birinshi jyly (1 aıdan 12 aıǵa deıin) - belgilengen jalaqy mólsheriniń 70 % -yn tóleıdi, biraq 30 AEK-ten (103 5000 teńge)aspaıdy;
- jumystyń ekinshi jyly (13 aıdan 24 aıǵa deıin) - jalaqynyń belgilengen mólsheriniń 65% - yn tóleıdi, biraq 30 AEK-ten (103 5000 teńge)aspaıdy;
- jumystyń úshinshi jyly (25 aıdan 36 aıǵa deıin) - jalaqynyń belgilengen mólsheriniń 60% -yn tóleıdi, biraq 30 AEK-ten (103 5000 teńge) aspaıdy.
Sondaı-aq, spıker jappaı kásipkerlikti damytý aıasynda 21 jastan 35 jasqa deıingi jastarǵa shaǵyn nesıe berý baǵdarlamasy qarastyrylǵanyn eske saldy. Qaryz 5 mln.teńgege deıingi somaǵa, 5 jylǵa deıingi merzimge, jyldyq 2,5% - ben beriledi.
«Kepilmen qamtamasyz etýdiń bolýy mindetti shart bolyp tabylady. Kepil retinde respýblıkanyń búkil aýmaǵy boıynsha jyljymaly (mamandandyrylǵan tehnıka) jáne jyljymaıtyn múlik qabyldanady. Kepilmen qamtamasyz etilmegen jaǵdaıda kepil berýshini (ata - analaryn, týystaryn jáne t.b.) tartýǵa bolady», - dep bólisti Á. Jańabaev.
Mıkrokredıtter mynalardy qospaǵanda, kez kelgen maqsattarǵa beriledi:
-turǵyn úı satyp alý, qurylys nemese jyljymaıtyn múlikti jóndeý (onyń ishinde malshylar úshin ýaqytsha/turaqty turǵyn úılerdi) jer ýchaskelerin satyp alý (kez kelgen nysanaly maqsatpen);
- baǵaly qaǵazdardy satyp alý (portfeldik ınvestısıalar);
- oıyn bıznesin uıymdastyrý jáne (nemese) damytý;
- temeki jáne / (nemese) alkogól ónimderin satyp alý;
- kredıtorlyq bereshekti óteý;
- bıznesti júrgizýmen baılanysty emes jeke tutynýshylyq maqsattar.«Mıkrokredıt berý týraly sheshimdi Almaty qalasy ákimdiginiń janynan qurylǵan komısıa qabyldaıdy, oǵan máslıhat depýtattary, memlekettik organdardyń, «Atameken» kásipkerler palatasynyń, bıznes-qaýymdastyq, buqaralyq aqparat quraldarynyń ókilderi kiredi. Úmitkerler komısıa otyrysynda ózderiniń bıznes-jobalaryn tanystyrady, olar óz kezeginde bıznes-jobalardy baǵalap jáne olardyń ishinen neǵurlym basymdyǵy joǵarysyn tańdap alady», - dep tolyqtyrdy spıker.
Bul rette joba ózekti, dáleldi, ekonomıkalyq negizdelgen, áleýmettik mańyzy bar, ómirsheń, naqty is-qımyl jospary bolýy tıis.
Ótinimderdi qabyldaýdy «Agrarlyq kredıttik korporasıa» aksıonerlik qoǵamynyń Sátpaev kóshesi, 5 mekenjaıy boıynsha ornalasqan qalalyq fılıaly júzege asyrady.
Búgingi tańda komısıa 139 jobany qarady, onyń ishinde 113 joba maquldandy, onyń 62-si qarjylandyryldy.