Almatyda jyl basynan beri júk kóligi júrgizýshileri tarapynan 4 myń 332 zańbuzýshylyq jasalǵan, dep habarlaıdy almaty-akshamy.kz
Qalalyq polısıa departamentiniń málimetinshe, QR Ákimshilik quqyq buzý kodeksiniń birneshe baby boıynsha 469 ákimshilik hattama toltyrylǵan.
Almaty qalalyq PD jergilikti polısıa qyzmeti basqarmasynyń bastyǵy Manap Sattarovtyń aıtýynsha, qazirgi ýaqytta patrúldik polısıa kóliktik baqylaý ınspeksıasymen birlese qala joldarynda kólik tasymaldaýshylardyń belgilengen ruqsat etilgen salmaq pen gabarıttik parametrlerge sáıkes kelýin qamtamasyz etý úshin reıd júrgizip jatyr.
«Kóliktik baqylaý ınspeksıasyna qalanyń kireberisinde júrgizýshilerge shara qoldaný úshin zańbuzýshylyq týraly aqparatty jiberetin júk kóliginiń salmaq ólshegishterin ornatý boıynsha máseleni qaraý týraly usynys engizildi», – dedi ol.