Almatyda “Joldaǵy qabyldaý” naýqany bastaldy, dep habarlaıdy almaty-akshamy.kz Polisia.kz silteme jasap.
2021 jyldyń 17 jáne 18 qyrkúıeginde Almaty qalasynyń aýmaǵynda polıseıler “Joldaǵy qabyldaý” respýblıkalyq naýqanynyń kelesi kezeńin ótkizedi. Bul joly ol onlaın túrde ótedi.
– “Joldaǵy qabyldaý” aldyn alý is-sharasy qazirgi ýaqytta azamattardyń kópshiligine tanys. Bul óte ózekti, sebebi halyqqa yńǵaıly jerde jáne ýaqytta jol qaýipsizdigi salasyndaǵy keńester men quqyqtyq kómek alýǵa múmkindik beredi. Ádette, turǵyndarmen dıalog azamattardy tolǵandyratyn suraqtardy, onyń ishinde jol qaýipsizdiginiń ózekti máselelerin talqylaý túrinde júrgiziledi. Bul rette senim telefony jumys isteıtinin atap ótkim keledi. Ol arqyly azamattar búkil naýqan barysynda qońyraý shalyp, ózderin qyzyqtyratyn suraqtardy qoıa alady nemese WhatsApp-habarlamasyn jibere alady: 8-747-733-10-20, – dedi Almaty qalasy PD ákimshilik polısıa basqarmasynyń bastyǵy Amanbek Nurlan.
Sondaı-aq, bul kúnderi ákimshilik polısıa, kóshi-qon jáne jergilikti polısıa qyzmeti basshylyǵynyń qatysýymen tikeleı efırler ótkizý josparlanýda. Qosý týraly habarlandyrý aldyn ala jarıalanatyn bolady.