Almatyda 14 jastaǵy qyz joǵalyp ketti
Jasóspirim 16 qyrkúıek kúni Alataý aýdanyndaǵy №91 mektepten keshki ýaqytta shyǵyp ketken, dep habarlaıdy Almaty-akshamy.kz.
«Ústinde qara fýtbolka, qara djınsy, aıaǵynda aq tústi krosovka, qolynda rúkzak bolǵan. Onyń shashy qyzǵylt sary túske boıalǵan, dene bitimi ortasha. Boıy 160-165 sm», dep habarlady eriktiler.
Polısıanyń málimetinshe, qyzdyń ata-anasy quzyrly organǵa túnde shaǵymdanǵan.
«Qazirgi ýaqytta izdeý sharalary uıymdastyryldy. Mán-jaı anyqtalyp, qyzdyń jan-jaǵyndaǵy adamdardan surastyryp jatyrmyz», - dedi Alataý aýdandyq polısıa basqarmasynda.