Almaty qalasy ákiminiń orynbasary Beıbit Shahanov azamattardy jeke qabyldap, qurylys jáne jer qatynastary salasyna qatysty turǵyndardyń ótinishin qarady.
Atap aıtqanda, Pine Hill klýb úlgisindegi turǵyn úı kesheniniń úleskerleri nysannyń ári qaraıǵy qurylysyna qatysty másele kóterdi. Qazirgi tańda turǵyn úı keshenine qosymsha qabattar salý múmkin emes, sebebi tıisti ruqsat qujattary men ınjenerlik jelilerge qosylýǵa arnalǵan tehnıkalyq sharttar joq. Aıta ketý kerek, buǵan deıin Qala qurylysyn baqylaý basqarmasynyń talap-aryz jumystarynyń nátıjesinde zańsyz salynǵan qabat súrilgen.
Sonymen qatar, qabyldaýǵa kelgen azamattar jer ýchaskeleriniń nysanaly maqsatyn ózgertý, memlekettik qajettilik úshin jerdi alyp qoıý jáne ózge de máseleler boıynsha júgindi.
Túsken barlyq ótinish boıynsha Beıbit Shahanov qoldanystaǵy zańnama aıasynda túsindirme berdi. Salalyq basqarmalar men jaýapty qalalyq qyzmetterge qosymsha tekserý júrgizip, nysandarǵa jergilikti jerde zerdeleý jumystaryn uıymdastyrý tapsyryldy.