Memleket basshysy Qasym-Jomart Kemeluly Toqaev 2026 jylǵy 05 qańtarda «Túrkistan» gazetine bergen suqbatynda «Áskerı qyzmettiń abyroı-bedelin kóterý jáne elimizdiń qorǵanys qabiletin arttyrý – memlekettiń basty basymdyǵynyń biri. Qarýly Kúshterimizdi tehnologıalyq turǵydan jańǵyrtý jumysy qarqyndy júrgizile bastady. Byltyr Uly Jeńistiń 80 jyldyǵyna oraı ótkizilgen áskerı sherýdi sheteldik saıasatkerler men áskerı qaıratkerler joǵary baǵalady, bul is-shara armıamyzdyń zamanaýı qarý-jaraqpen jáne tehnıkamen, sonyń ishinde Qazaqstanda jasalǵan ónimdermen tolyq jabdyqtalǵanyn, sondaı-aq, áskerı qyzmetshilerimizdiń daıyndyǵy óte jaqsy ekenin aıqyn kórsetti» degen bolatyn.
«Atamnyn Amanaty» uıymynyń mısıasy - tarıhı jadyny saqtaý, urpaqtar sabaqtastyǵyn arttyrý, jastarǵa rýhanı-adamgershilik jáne áskerı-patrıottyq tárbıe berý jáne osy baǵytta memleketke barynsha qoldaý kórsetý. Qazaqstan sol soǵysta habar-osharsyz ketken azamattaryn izdeýshi álemdegi sanaýly memleketterdiń qatarynan. Maıdanǵa ketip, iz-túzsiz joǵalǵandardyń sany 271 myńnan asady. Bul sharýamen 2019 jyldyń 19 mamyrynda qurylǵan «Atamnyn Amanaty» qoǵamdyq birlestigi aınalysady. Sodan beri uıymnyń resmı saıty, áleýmettik jelileri jáne baılanys telefondary arqyly habarsyz ketkenderdi izdestirýge 12 myńnan astam ótinish kelip túsken. 4500-den astam qazaqstandyq jaýyngerlerdiń jerlengen jerleri men jeke bastaryn anyqtaldy. Maıdan dalasynan tabylǵan 23 sarbazdyń súıegi Qazaqstanǵa jetkizilip, áskerı qurmetpen saltanatty túrde jerlendi.
Dalalyq qazba jumystaryn júrgizýde bizdiń uıymnyń birshama tájirıbesi bar. Bizdiń eriktiler jasaǵy Reseıdiń Kalýga oblysy aýmaǵyndaǵy «Batys maıdany. Varshava tas joly» halyqaralyq áskerı-tarıhı ekspedısıasyna turaqty túrde qatysyp keledi. Birer jyl buryn bizdiń eriktilier 387-shi Aqmola atqyshtar dıvızıasy soǵysqan Ýlánovsk aýdanynda jerlesterimizdiń qurmetine eskertkish-belgi ornatyp qaıtty.
Óskeleń urpaq óziniń ótken tarıhyn bilýge tıis. Máselen, «Atalar amanatyna adalmyz» atty aksıasyn uıymdastyrý dáistúrge aınaldy. Aksıa aıasynda árbir kolejdiń stýdentteri Qazaqstanda jasaqtalyp, Ekinshi dúnıejúzilik soǵysqa qatysqan dvızıalar men qurmalardyń tarıhyn, maıdan jolyn zerttep, solar jóninde ǵylymı-izdestirý jumystaryn jasaıdy.
«Myń estigennen bir ret kórgen artyq» deıdi qazaq. Sol sebepti Astana qalasynyń bir top stýdentterin qala túbindegi áskerı bólimderge alyp barý dástúrge aınaldy. Jasóspirimder sapar barysynda kazarmadan bastap, qarý-jaraq, áskerı tehnıkalarmen, ıisshil ıtermen tanysyp, soldat botqasynan dám tatyp, jaýyngerlik ómirmen etene tanysady. Bir kúnniń ishinde olardyń áskerı qyzmetke degen kózqarastary túbegeıli ózgerdi deýge bolady. Kóbi burynǵy oılarynan aınyp, qajet bolsa Otan qorǵaýshysy retinde sapqa turýǵa tilek bildirip jatady.
Uly Abaıdyń: «Óldi deýge bola ma aıtyńdarshy, Ólmeıtuǵyn artynda sóz qaldyrǵan?» degen óleń joldaryn sońyna óshpes iz tastap, ólmes erlik jasaǵan kez kelgen azamatqa aıtýǵa bolatyndaı. Keshegi qan maıdanda qas dushpanemen arystandaı aıqasqan batyrdyń biri – Baıbol Rahmetov. Zeńbirek kózdeýshisi bolǵan Syr perzentiniń súıegi seksen jyldan astam ýaqyt ótken soń Pskov túbinen tabylyp otyr. Topyraq astynan ózimen birge kózi tirisinde qaharmandyǵy úshin alǵan «Qyzyl juldyz» ordeni men «Erligi úshin» medali birge shyqty. Súıegi Pskov oblysynan tabylǵan taǵy bir bozdaq ol - Ońtústik Qazaqstan oblysy, Shaıan aýdany, Aqbastaý aýylynda 1921 jyly dúnıege kelgen Musahan Qalmyrzaev. Onyń da deregi «Erligi úshin» medaliniń nomeri arqyly anyqtaldy.
Byltyrǵy jyldyń basty oqıǵalarynyń biri – osy eki maıdangerdiń elge oralýy deýge bolady. 2025 jyldyń sońǵy kúnderi olardyń súıegi áskerı ushaqpen Qazaqstanǵa jetkizilip, 80 jyldan astam ýaqyt saryla kútken týystaryna tabys etildi. Sosyn biri Túrkistan oblysynda, ekinshisi Qyzylorda oblysynda áskerı qurmetpen jerlendi. Biz osy saýapty iske atsalysqan barlyq azamattarǵa alǵys aıtamyz. Al, «Atamnyn Amanaty» qoǵamdyq birlestiginiń jumysy jańa jylda da jalǵasa bermek.
Mysaly jańa 2026 jylǵa mynadaı jobalardy ázirlep, solardy iske asyrýdan úmittimiz:
1. Qazaqstannan shaqyrylǵan jáne Ekinshi dúnıejúzilik soǵysqa qatysqan soldattar men ofıserler týraly elektrondyq derekqor qurý. Ulttyq platforma naqty aqparatty saqtap, olardyń esimderin urpaqtarǵa jetkizip, olardyń úlesterin moıyndaýdy qamtamasyz etedi.
2. Halyqaralyq áskerı-tarıhı ekspedısıa «Batys Qazaqstan – Stalıngrad shaıqasynyń aldyńǵy shebi». Maqsat — soǵysta qaza tapqan soldattardyń jáne beıbit turǵyndardyń súıekterin kóterip, esimderin qalpyna keltirip, eskertkishter ornatý. Bókeıorda aýdanynda zertteý men máńgi este saqtaý qajet 40-50 baýyrlas qabir bar.
3. Soǵys jyldary Qazaqstan aýmaǵynda evakýasıalyq gospıtáldardyń tarıhyn zertteý, gospıtáldarǵa jerlengen oryndardy anyqtaý, olardy abattandyrý jáne estelik taqtaıshalaryn ornatý. Soǵys jyldary Qazaqstanda shamamen 150 000 jaraly emdeldi, olardyń kópshiligi qaza taýyp, jergilikti zırattarǵa jerlendi.
4. Eýropada qaza tapqan qazaqstandyq soldattardy izdeý. Qolda bar derekterge sáıkes, 2,2 mıllıonnan astam qyzyl áskerler, onyń ishinde qazaqstandyqtar da bar, belgisiz jaýyngerler retinde jerlengen. Bul joba olardyń esimderin qalpyna keltirip, Qazaqstannyń Jeńiske qosqan úlesin halyqaralyq deńgeıde moıyndaýǵa kómektesedi.
Bul ata-baba amanatyn oryndaýǵa, erlikti umytpaýǵa, eldikti ulyqtýǵa, jáne ult tarıhyndaǵy taǵy bir aqtańdaqty jabýǵa baǵyttalǵan ıgilikti is bolyp tabylady. Óıtkeni óskeleń urpaqtyń boıynda rýhanı-adamgershilik qundylyqtardy, otansúıgishtik sezimdi qalyptastyrý memleket basshysy aıtqandaı ortaq paryzymyz.
Maıdanda habar-osharsyz ketken týystaryn izdestirem degen adamdar bolsa bizge tómendegi baılanys telefondary arqyly tegin ótinish bere alady: 8 -776 -828- 45- 35; 8-776- 828- 45- 34; 8 -701- 999- 78 -20, ata.amanaty@gmail.com.
Murat Moldaǵalıev,
«Atamnyn Amanaty» QB basqarma tóraǵasy