Qalada «jedel járdem» qyzmetine táýligine 2800 qońyraý túsedi
Qalalyq qoǵamdyq densaýlyq saqtaý basqarmasynyń málimetine sáıkes, Almatyda «jedel járdem» brıgadalary kúnine orta eseppen 2500-2800 qońyraýǵa qyzmet kórsetedi, dep habarlaıdy Almaty-akshamy.kz
«Jedel járdem» jumysynda suranystyń azaıǵany baıqalady. Shaqyrtý edáýir azaıdy. Qazir bir brıgada kúnine 12 shaqyrtýǵa shyǵady. Jalpy, «jedel járdem» táýligine 2500-2800 qońyraýǵa qyzmet kórsetedi. Qalada 200 brıgada bar»,- dep habarlady basqarmadan.
«Jedel járdem» qyzmetinde tájirıbeli dárigerler qyzmet etedi. Júrgizýshiler quramy tolyq. Aıta keteıik, resmı derekke sáıkes, 17 qazan kúni 318 adamnan koronavırýs anyqtalǵan. Munyń ishinde sımptomdy, jeńil jáne ortasha deńgeıdegi belgilermen – 286, sımptomsyz – 32 naýqas tirkeldi.
Barlyq emdelip shyqqandar – 16, kelip túskeni – 67. Infeksıalyq stasıonarlarda 1 368 adam bar. Onyń 28-i — bala.