Elimiz 2028 jylǵy hokeıden álem chempıonatyn ótkizýge ótinim berdi.
Týrnır ótetin oryn retinde Astana men Almaty tańdaldy, dep habarlaıdy Almaty-akshamy.kz
Álem chempıonatyn ótkizýge Fransıa da (Parıj jáne Lıon) úmitker.
2024 jyly ǵalamshardyń birinshiligin 10-26 mamyr aralyǵynda Chehıanyń Praga jáne Ostrava qalalary qabyldaıdy.
IIHF keńesi byltyr aqpan aıynyń sońynda Ýkraınadaǵy jaǵdaıǵa baılanysty Reseı men Belarýs quramalaryn halyqaralyq jarystardan belgisiz merzimge alyp tastady. 2023 jyldyń naýryzynda IIHF toqtata turýdy 2023/24 maýsymyna uzartty.
Qańtar aıynda uıym basshysy Lúk Tardıftyń aıtýynsha, Reseı jáne Belarýs quramalaryn halyqaralyq jarystarǵa, sonyń ishinde 2026 jylǵy olımpıada oıyndaryna qatystyrý máselesin uıym keńesi 12-13 aqpanda qaraıdy.
Buǵan deıin Qazaqstan quramasy óz tarıhynda alǵash ret 2024 jyly álem chempıonatynyń TOP-dıvızıonynyń týrnırine qatarynan tórtinshi ret qatysatyny habarlanǵan bolatyn. Sondaı-aq 2006 jyldan beri alǵash ret 2023 jylǵy álem chempıonatynda qurama tek qazaqstandyq hokeı tárbıelenýshilerinen quraldy.