Toqaev BUU-ǵa múshe-memleketterdiń barlyǵyn osy bastamany qoldaýǵa shaqyrdy.
Memleket basshysy BUU Bas Assambleıasy 78-sessıasynyń Jalpy debatynda sóılegen sózinde osylaı dedi, dep habarlaıdy Almaty-akshamy.kz Aqordanyń baspasóz qyzmetine silteme jasap.
Almatyda Ortalyq Azıa jáne Aýǵanstan úshin BUU-nyń Ornyqty damý maqsattary jónindegi óńirlik ortalyǵyn ashý jospary bar. Bul týraly Memleket basshysy BUU Bas Assambleıasy 78-sessıasynyń Jalpy debatynda sóılegen sózinde aıtty.
«Qazaqstan Ortalyq Azıa elderimen kópjaqty yntymaqtasty odan ári nyǵaıtýǵa nıetti. Bizdiń aımaq halyqaralyq qaýymdastyqtyń «birtutas ári derbes» bóligi retinde mańyzdy ról atqarady. Sondaı-aq damýdyń jahandyq prosesterine óz úlesin qosa alady. Baqytymyzǵa oraı, ekonomıkalyq belsendilik artyp keledi. Sońǵy bes jylda óńir ishindegi taýar aınalymy eki ese ósip, 10 mıllıard AQSH dollaryn qurady. Bizdiń aımaqtyń kún tártibindegi eń ózekti másele – Aýǵanstan. Ol turaqty, órkendegen memleketke jáne senimdi saýda seriktesine aınalýy kerek. Osy oraıda Almatyda Ortalyq Azıa jáne Aýǵanstan úshin BUU-nyń Ornyqty damý maqsattary jónindegi óńirlik ortalyǵyn ashatyn ýaqyt keldi. BUU-ǵa múshe-memleketterdiń barlyǵyn bizdiń osy bastamamyzdy qoldaýǵa shaqyramyn», - dedi Qasym-Jomart Toqaev.